انصاف تحریک حزبی نینگ رهبری عمران‌خان پاکستان باش وزیرلیگیدن برطرف بولیشیدن کیین، نواز شریف نینگ ایناغه‌سی شهباز شریف، اوشبو مملکت نینگ ۲۳- باش وزیری صفتیده تعینلندی.
بیزلرنینگ فیسبوک صحیفه‌میزگه باش اورینگ!
شهباز شریف، نواز شاخه‌سی مسلم‌لیگ حزبی نینگ رهبری و پاکستان سابق باش وزیری نواز شریف نینگ ایناغه‌سی دیر. جناب شریف بوگون پاکستان نینگ پارلمان اعضالریدن ۱۷۴ آواز آلیش بیلن، مذکور مملکت باش وزیری صفتیده تعینلندی.
ایتیش کیره‌ک که، شهباز نینگ اوشبو سیلاوده رقیبی یوق ایدی. یگانه رقیبی پاکستان انصاف تحریک حزب اعضالریدن شاه‌محمود قریشی، سیلاو یولگه قوییلیشیدن آلدین حزب اعضالری بیلن پارلمان‌نی ترک ایتیب و توپلم شکلده پارلمان‌دن استعفا بیردیلر.
بیزلرنینگ توییترده هم تعقیب قیلینگ!
میدیالر نینگ گزارشی اساسیده، عمران‌خان اوشبو مملکت نمایندهلر کینگشی‌دن استعفا گه چیقیشیدن کیین، ۱۰۰ دن آرتیق پاکستان انصاف تحریک حزب نماینده‌لری، بوگون پارلمان‌دن استعفا بیریب و ینگی باش وزیرنی تنلش اوچون آواز بیریلیشیدن آلدین، توپلم شکلده مجلس‌نی ترک ایتدیلر.
