سرپرست حکومت شهرسازلیک و اوی-جای قوریش وزیرلیگی سوزلاوچیسی محمدکمال افغان، مذکور وزیرلیکده یوز بیرگن پارتلشنی تصدیقلب و ایتیشیچه، اوشبو واقعه نتیجهسیده هجومچی بیلن باشقه بیر کیشی قربان بولگن.
اونینگ کوپهیتیریشیچه، بوگون توشدن آلدین (۲۵-دلو، پنجشنبه)، شهرسازلیک و اوی-جای قوریش وزیرلیگیگه کیرماقچین بولگن خودکش هجومچی، بنانینگ کیریش ایشیگیده اسلام امیرلیگی کوچلری آرقهلی یوق ایتیلگن.
بیزلرنینگ فیسبوک صحیفهمیزگه باش اورینگ!
شهرسازلیک و اوی-جای قوریش وزیرلیگی سوزلاوچیسی، مذکور واقعه نتیجهسیده یرهلنگنلر سانینی اوچ کیشی دیب و اورغولشیچه، باشقه هیچ قندهی زیان ییتیشمهگن.
بیراز آلدین ایچکی ایشلر وزیرلیگی سوزلاوچیسی عبدالمتین قانع، شهرسازلیک و اوی-جای قوریش وزیرلیگیده یوز بیرگن پارتلشنی تصدیقلب و سلاموطندار گه، اونینگ خنثا بولگنینی اَیتگن. جناب قانع گه کوره، اسلام امیرلیگی کوچلری خودکش هجومچینی مقصدگه ییتیشمسدن آلدین یوق ایتگنلر.
بیزلرنینگ «ایکس» ترماغی ده هم تعقیب قیلینگ!
حاضرگچه مذکور واقعه مسئولیتی بیرار گروه یا-ده کیشی بوینیگه آلمهگن.
