غزنی ده‌گی منبع‌لر نینگ ایتیشلریچه، اوشبو ولایت بیلیم یورتی شرعیات فاکولته‌سی باشلیغی سید مبتهج هاشمی، تورت آی آلدین غزنی شهری‌دن نامعلوم شخص‌لر تامانیدن اوغیرلنگن ایدی، جسدی بوگون ایرته‌لب غزنی شهری حدودلریدن تاپیلیب و بوگن عصر چاغی توپراققه تاپشیریلگن.
غزنی امنیه قوماندان‌لیگی نینگ سوزلاوچیسی سیداسحاق صالح، اوشبو خبرنی تصدیقلب سلام وطندار گه ایتیشیچه، غزنی بیلیم یورتی شرعیات فاکولته‌سی باشلیغی نینگ جسدی‌نی غزنی استخبارات کوچلری تاپیب و قرینداش‌لری گه تاپشیرگن.
بیزلرنینگ فیسبوک صحیفه‌میزگه باش اورینگ!
غزنی امنیه قوماندان‌لیگی نینگ سوزلاوچیسی گه کوره، واقعه عامل‌لرینی تانیش اوچون سعی-حرکت قیلماقده‌لر و حادثه عامل‌لری بیلن قانونی یانده شیله‌دی.
غزنی بیلیم یورتی اوقیتووچیسی و اوشبو بیلیم یورت شرعیات فاکولته‌سی باشلیغی سیدآصف مبتهج، نیچه ییل‌دن بویان مذکور بیلیم یورت‌ده اسلامی ثقافت و شرعی و اسلامی مضمون‌لرنی درس بیرر ایدی.
جناب هاشمی نینگ قرینداش‌لری گه کوره، او تخمیناً تورت آی آلدین غزنی شهری ایچیدن ناتانیش کیشی‌لر تامانیدن اوغیرلنگن ایدی و اوشبو مدت ایچیده او نینگ تقدیری‌دن خبرلری یوق ایدی.
بیزلرنینگ توییترده هم تعقیب قیلینگ!
ایتیش کیره‌ک که، تخمیناً ایکی آی آلدین «سلطانمحمود غزنوی» خصوصی بیلیم یورتی باشلیغی معراج‌الدین وقار، دستلب ناتانیش کیشی‌لر تامانیدن اختطاف و چمه‌سی ایکی آی‌دن کیین جسدی غزنی شهری حدودلریدن تاپیلدی.
