قندوز ولایتیدن کیم‌لیگی سیرقالیش‌نی ایسته‌گن امنیتی بیر منبع نینگ سلام‌وطندارگه ایتیشیچه، “چهارشنبه” کیچه قندوز شهری نینگ «تلوکه» منطقه‌سیده امنیتی کوچلر و طالبان جنگریلری آره‌سیده یوز بیرگن آتیشمه عاقبتیده، ملی خوفسیزلیک خاص کوچلری مسکونی اوی‌لر اوستیگه هاوان آتگن.
منبع نینگ کوپه‌یتیریشیچه، مذکور واقعه‌ده عیاللر و باله‌لر شامل ۷ کیشی هلاک و باشقه ۶ کیشی یره‌لنگن.
بیراق، ملی مدافعه وزیرلیگی سوزلاوچیسی اورین باسری فواد امان نینگ ایتیشیچه، طالبان جنگریلری “چهارشنبه” کیچه قندوز ولایتی نینگ «تلوکه» منطقه‌سیده تینچ اهالی اوستیگه هاوان آتگن و نتیجه‌ده عیاللر و باله‌لر شامل ۷ کیشی هلاک و باشقه ۶ کیشی یره‌لنگن.
جناب امان‌گه کوره، طالبان تامانیدن زوروانلیکلر کوپه‌یشی سبب، تینچ اهالی نینگ تلفاتی کوپه‌یگن و شونینگدیک، اوشبو گروه تروریستی فعالیت‌لری آرقه‌لی، عامه فایده‌لنیش مکان‌لرگه زیان ییتیشتیرگن.
عین‌حالده، طالبان سوزلاوچیسی ذبیح‌الله مجاهد نینگ مدافعه وزیرلیگی ادعاسینی رد قیلیب ایتیشیچه، عیاللر و باله‌لر شامل ۱۲ تینچ اهالی امنیتی کوچلر تامانیدن آتیلگن هاوان عاقبتیده هلاک و یره‌لنگن.
عین‌حالده، قندوز ولایتی بوییچه انسان حقوقی ایرکین کمیسیونی نینگ ساحه‌وی دفتری باشلیغی سید حفیظ الله فطرت نینگ سلام‌وطندارگه ایتیشیچه، جاری ییل میزان آیدن ۲۵ عقرب گه‌قدر کمیده ۸ تینچ اهالی هلاک و یره‌لنگن.
جناب فطرت گه کوره، بو مدتده ۱۱ ایرکک، ۷ عیال و ۱۸ باله هلاک ایتیلگن.
