نوار غزهنینگ مرکزی و جنوبی بولیملریگه اسرائیلنینگ اویوشتیرگن هجوملری نتیجهسیده، کمیده ییتی فلسطینلیک قربان بولیب و باشقه بیر قطار کیشی یرهلنگن.
غزه مدنی مدافعه تشکیلاتی سوزلاوچیسی محمود بصلگه کوره، اسرائیلنینگ بیر پهپادی بوگون (۱۱-اپریل، شنبه)، غزه مرکزیده جایلشگن البریج کمپیدهگی بیر پولیس پایگاهسی یقینیگه ایکی راکته آتگن.
غزه مرکزیدهگی «الاقصا» کسلخانهسی، آلتی جسد بیلن جراحت کوتارگن ییتی کیشینینگ تاپیلگنینی معلوم قیلگن. شونینگدیک «العوده» کسلخانهسی هم، بیر جسد و ایکی یرهدارنینگ انتقال بیریلگنیدن خبر بیرگن.
شونینگدیک «ناصر» طبی مجموعهسینینگ اعلام قیلیشیچه، خانیونس شرقیده جایلشگن «بنی سهیلا» شهریدهگی آوارهلر حیات کیچیرهدیگن محلگه اسرائیلنینگ اویوشتیرگن هجومیدن کیین، یرهلنگن اوچ کیشی بو مرکز گه انتقال بیریلگن.
فلسطین ساغلیقنی سقلش وزیرلیگینینگ معلوماتی اساسیده، اسرائیل و حماس آرهسیده ۲۰۲۳-ییل اکتبر آییده باشلنگن اوروشدن حاضرگچه، ۷۲ مینگ ۳۰۰ دن آرتیق فلسطینلیک قربان بولگن.
