ایچکی ایشلر وزیرلیگی نینگ سرپرستی سراج‌الدین حقانی، «سی‌ان‌ان» خبری ترماغی بیلن اوتکزگن صحبتیده ایتیشیچه، اسلامی امارت قیزلر نینگ تعلیمی گه قرشی ایمس و قیزلر نینگ مصونیتی تأمینلنیب و اولر نینگ مکتب‌لری آچیلیشی اوچون بیر ریجه اوستیگه ایشله ماقده‌لر.
بشر حقوقی عیاللر بولیمی مدیری نینگ اورین باسری هیدر بار ایچکی ایشلر وزیرلیگی نینگ بیاناتی گه واکنش کورسه‌تیب توییتری یازیشیچه، اسلامی امارت حاضرگچه بیرگن وعده‌لریدن هیچ بیرینی عملی قیلمه‌گن شونی اوچون قیزلر نینگ مکتب‌لری آچیلیشی گه دایر اولر نینگ بیانات‌لری، «معناسیز دیر.»
بیزلرنینگ فیسبوک صحیفه‌میزگه باش اورینگ!
عین‌حالده، عیال حقوقی فعاللری و اوقیتووچیلردن قطاری نینگ ایتیشلریچه، آلتینچی صنف‌دن یوقاری قیزلر نینگ مکتب‌لری آچیلیشی خصوصیده سرپرست حکومت نینگ وعده‌لری گه ایشانمه‌یدیلر. اولرگه کوره، اسلامی امارت سیاست‌لری اوچون قیزلر نینگ مکتب‌لرینی آچیشنی ایستمه‌یدی.
عیال حقوقی فعاللریدن بیری سوسن خالق‌یار نینگ ایتیشیچه، هیچ بیر ریجه آی‌لر دوام قیلمه‌یدی و قیزلر نینگ مکتب‌لرینی آچیش باره‌سیده‌گی دلیل‌لری، بهانه جویی‌لیک دیر.
کابل شهری مکتب‌لریدن بیری نینگ اوقیتووچیسی بصیره شیرزاد نینگ سلام‌وطندار گه ایتیشیچه: «قیزلر نینگ حجابی اسلامی دیر، مشکلی یوق، بیراق تأسف بیلن حکومت قیزلر نینگ درس و تعلیمینی سیاسی قیلگن.»
۱۴۰۱- تعلیمی ییل دن چمه‌سی ایکی آی اوتماقده، حاضرگچه اولکه یشاوچیلری اینیقسه اوقووچیلر قیزلر نینگ مکتبی آچیلیشینی کوتماقده‌لر.
بیزلرنینگ توییترده هم تعقیب قیلینگ!
کابل ده‌گی اوقووچیلردن ظریفه نینگ سلام‌وطندار گه ایتیشیچه، تعلیم‌دن اوزاقلشگنی اوچون ناامید بولگن و هر کونی مکتب‌لری آچیلیشی گه دایر ینگی خبر ایشیتیشنی کوته‌دی.
عین‌حالده، سونگی توقیز آی‌ده آلتینچی صنف‌دن یوقاری قیزلر نینگ مکتب‌لری آچیلیشی خصوصیده ایچکری و تشقری ده کوپ سعی و حرکت‌لر بولدی، بیراق بو تلاش‌لر حاضرگچه نتیجه بیرمه‌گن.
