ایران ده هرانا آژانسینینگ گزارش بیریشیچه، ایراننینگ ۱۲ ولایتیگه اسرائیل آرقهلی اویوشتیریلگن هجوملر نتیجهسیده، حربی آستقورمهلر یانیده، تینچ اهالی و یشش بولیملر هم نشانگه آلینگن.
مذکور آژانسنینگ گزارشی اساسیده، جمعه کونی ایرتنگ چاغی ایران گه اسرائیلنینگ هجوملری باشلنگنیدن حاضرگچه، کمیده ۶۷۸ کیشی اولیب و یرهلنگن که اولر ارا، تورت ته باله، اونلب عیال و شونینگدیک بیرته قیزیل آی خادمی هم شامل دیر.
بیزلرنینگ «ایکس» ترماغی ده هم تعقیب قیلینگ!
گزارش گه کوره، اسرائیل تهران، شرقی آذربایجان، غربی آذربایجان، اردبیل، اصفهان، ایلام، مرکزی کرمانشاه، همدان، فارس، خوزستان و کردستان ولایتلرینی نشان گه آلگن.
اوشبو هجوملر عاقبتیده، ۷۸ کیشینینگ اولگنی و ۳۲۹ کیشینینگ یرهلنگنی بیلن اینگ کوپ قربانیلر رقمی تهران ده قید ایتیلگن. توپلم شکلده بو هجوملرده ۱۴۶ کیشی اولیب و ۵۴۲ کیشی یرهلنگن.
بیزلرنینگ فیسبوک صحیفهمیزگه باش اورینگ!
گزارشده کیلیشیچه، ایران گه اسرائیلنینگ اویوشتیرگن هجوملری نتیجهسیده، کوپراق بالیستیک راکتهلری، هوادن ییرگه کروز راکتهلری و پهپادلردن فایدهلنگن.
ایران گه اسرائیل هجومی، ۲۳-جوزا، جمعه کونی ایرتهلب باشلنیب و اوندن کیین، ایران هم جواب اولهراق هجوملرینی باشلهگن که ایکی تامان آرهسیده حاضرگچه اوروشنینگ دوامی بار.
