مملکت صناعت و سوداگرلیک وزیرلیگی، یک‌شنبه کونی، ۲۸-عقرب، اوز ایکس صحیفه‌سیده، اوشبو وزیرلیک سرپرستی، قزاقستان نینگ خلق‌ارا سوداگرلیک اتاق نماینده‌سی بیلن اوچره‌شگنینی یازگن.
بیزلرنینگ فیسبوک صحیفه‌میزگه باش اورینگ!
مملکت صناعت و سوداگرلیک وزیرلیگی نینگ سرپرستی نورالدین عزیزی، قزاقستان نینگ خلق‌ارا سوداگرلیک اتاق نماینده‌سی آرمان یسین تایف بیلن کابل ده ایش دفتری ده اوچره‌شیب، تورلی ساحه‌لر اینیقسه اقتصادی ریجه‌لر اوستیده بحث ایتگنلر.
اوشبو اوچره‌شووده، ایکی تامان افغانستان ده قزاقستان نینگ خلق‌ارا سوداگرلیک اتاقی قوریلیشی، قزاقستان ده افغانستان سوداگرلیک اویی قوریلیشی، افغانستان بیلن سوداگرلیک ایشلرینی آشیریش اوچون قزاقستان نینگ ایشانچلی کمپنیه‌لرینی تانیشتیریش، سوداگرلیک توارلرنی انتقال بیریش اوچون ایکی مملکت یوللری ده ترانزیتی قولی‌لیک یره‌تیش، مذکور ایکی مملکت سوداگرلری نینگ تجارتی ویزه‌لری ده‌گی قیینچیلیک‌لر حل ایتیلیشینی محاکمه قیلگنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، افغانستان ده اسلام امیرلیگی حاکمیت گه ایریشگچ، اورته آسیا اولکه‌لری جمله دن قزاقستان، افغانستان بیلن سوداگرلیک و اقتصادی مناسبت‌لری گه دوام بیریب کیله‌یاتگن مملکت‌لردن سنله‌دی.