سرپل یشاوچیلریدن بیرقطاری نینگ ایتیشلریچه، اوشبو ولایت نینگ ییر آستی منبع‌لریدن بیر بولیمینی تیل و تاش کومیر تشکیل بیریب و هر کونی اوشبو کان‌لر دن یوزلب تن تیل و تاش کومیر قازیب چیقریله‌دی، بیراق سرپل ده مذکور کان‌لر نینگ درآمدی دن ترقیاتی پروژه‌لر عملگه آشیریلیشی و ییگیت‌لر گه ایش زمینه‌لری یره‌تیلیشی اوچون دقت بولمه‌گن.
سرپل اهالیسی، سرپرست حکومت دن اوشبو ولایت ییگیت‌لری اقتصادی قیینچیلیک باعث مملکت نی ترک ایتماقده ایکن، ترقیاتی پروژه‌لرنی عملگه آشیریب و اولر گه ایش زمینه‌لرینی یره‌تیش بیلن اولر نینگ ناقانونی مهاجرت قیلیش‌لری گه توسیق بولیشینی سوره‌یدیلر.
سرپل یشاوچیلریدن بیری امان‌الله گه کوره، مذکور ولایت نینگ ییگیت‌لری برابری ده بی‌فرق‌لیک اچینرلی دیر و سرپرست حکومت، ترقیاتی پروژه‌لرنی عملگه آشیریش بیلن اولر گه ایش فرصت‌لرینی یره‌تیشی کیره‌ک.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «بیز سرپل ییگیت‌لری، قشقری تیل کانی درآمدی سرپل ترقیاتی اوچون صرفله‌نیب و سرپل ولایتی خلقی گه ایش زمینه‌لری یره‌تیلیشینی ایسته‌یمیز.»
سرپل یشاوچیلریدن باشقه بیری حیات‌الله نینگ ایتیشیچه، باشقه زمان‌لر گه نسبتن اوشبو ولایت ییگیت‌لری قوللب_قوتلنیشی کیره‌ک، بیراق سونگی کون‌لرده اولر برابریده‌گی بی فرق‌لیک باعث مملکت نی ترک ایتیش گه مجبور بولگنلر.
اونگه کوره: «بیز اسلام امیرلیگی دن سرپل ولایتی کان‌لری درآمدی سرپل ترقیاتی اوچون صرفله‌نیشینی ایسته‌یمیز، مثال صورتده سرک یوق، سرک قوریلیب و ایش فرصت‌لری یره‌تیلیشی کیره‌ک.»
شو بیلن بیرگه، سرپل معلومات و مدنیت رسمی‌لری، آمو دریا حوزه‌سی قشقری قودوق‌لریدن تیل قازیب چیقریلیش ایشی باشله‌نیشی بیلن اوشبو ولایت نینگ یوزلب اهالیسی گه ایش زمینه‌لری یره‌تیلیشینی معلوم قیلیب ایتیشیچه، سرپل ده ترقیاتی و ایشلری یریم قالگن پروژه‌لر ایشلرینی عملی قیلیش اوچون تلاش قیلماقده‌لر.
سرپل معلومات و مدنیت باشلیغی فخرالدین عمیر سرپلی گه کوره، سرپرست حکومت برچه ساحه‌لرده یاش‌لر گه دقت قیلیب و ترقیاتی پروژه‌لرنی عملگه آشیریش بیلن اولر گه ایش فرصت‌لرینی یره‌تگن.
او نینگ کوپه‌یتیریشیچه: «هر کونی قشقری قودوق‌لریدن یوزلب تن تیل قازیب چیقریلیب و تصفیه بوله‌دی، درآمدی شرکت و دولت خزینه‌سیگه توله‌نیله‌دی، الحمدالله یوزلب ییگیت ایش بیلن تأمینلنگن و ییگیت‌لر ایش گه آلینماقده دیر.»
بیزلرنینگ توییترده هم تعقیب قیلینگ!
ایش بیلرمان‌لردن بیرقطاری نینگ ایتیشلریچه، سرپل ده تیل و تاش کومیر کانی موجود دیر اوشبو کان‌لر درآمدی حکومت نینگ بودجه‌سیدن بیر بولیمینی تأمینله‌یدی و مذکور کان‌لر اساسی روشده قازیب چیقریلگن تقدیرده، مملکت ترقیاتی اوستیگه مثبت تأثیر قیلیشی ممکن.
اقتصادی ایش بیلرمان پشتون یار گه کوره: «بیز تیل و تاش کومیر کانی حقیده گپله‌یپمیز، بو کان‌لر قازیب چیقریلیشی مملکت اقتصادی اوستیگه مثبت تأثیر قیله‌دی. حاضرگی کونده تیل کانی قرارداد قیلینگن و هر کونی اوشبو کان دن قازیب چیقریلگن تیل، بازار گه صادر بولیب و درآمدی دولت خزینه‌سیگه توله‌نیله‌دی. کان‌لر نینگ درآمدی اولکه ترقیاتی اوچون صرفله‌نیشی کیره‌ک.»
کان‌لر و پترولیم وزیرلیگی نینگ معلوماتی اساسیده، آمو دریا حوزه‌سی قشقری بلاکی ده حاضر ۹ قودوق فعال دیر و هر کونی اوشبو قودوق‌لردن تخمیناً ۳۵۰ تُن خام تیل قازیب چیقریله‌دی.
