سرپل ولایتیده ۴۰ زوج نینگ توپلم توی مراسمی، اضافی خرجت‌لرنی آلدینی آلیش و جامعه ده اوشبو فرهنگ نی نهادینه قیلیش مقصدیده، بوگون (جمعه، ۱۸ سنبله) بولیب اوتدی.
مذکور مراسم تشکیلاتچیلری نینگ ایتیشلریچه، بو مراسم اضافی خرجت‌لر و ناقولی رسم_عنعنات‌لرنی آلدینی آلیش مقصدیده، خارج ده‌گی سرپللیکلر اتفاقی نینگ مالی یاردمی بیلن بولیب اوتگن.
سرپل معلومات و مدنیت باشلیغی عمیر سرپلی، یاشلر نینگ توپلم توی مراسمی بولیب اوتیشینی خوش قرشی‌لب ایتیشیچه، اوشبو مراسم سرپل یشاوچیلری و خارج ده‌گی سرپللیکلر نینگ یاردمی بیلن یولگه قوییلگن. سرپل ده ایکینچی مراتبه دیر یاشلر نینگ توپلم توی مراسمی بولیب اوته‌دی.
بیزلرنینگ فیسبوک صحیفه‌میزگه باش اورینگ!
سرپل معلومات و مدنیت باشلیغی گه کوره، یاشلر نینگ توپلم توی مراسمی، آغیر خرجت‌لرنی آلدینی آلیش مقصدیده یولگه قوییلگن. جناب سرپلی بوگَل مراسم‌لر بولیب اوتیشی اوستیگه تأکید ایته‌دی.
عمیر سرپلی نینگ کوپه‌یتیریشیچه، مراسم تشکیلاتچیلری توی مراسمی خرجت‌لری گه علاوه، ۱۰ مینگ افغانی نقد پول شامل اوی امکانیت‌لری، ییگولیک ماده هر زوج گه ساوغه قیلیشگن.
مذکور زوج‌لردن قطاری نینگ ایتیشلریچه، توی مراسم‌لری اوچون هیچ مصرف قیلیشمه‌گن و برچه مصرف‌لری خارج ده‌گی سرپللیکلر اتفاقی تامانیدن توللنگن.
اولر گه کوره، ایش‌سیزلیک، جامعه ده‌گی ناقولی رسم_عنعنات باعث بیش ییل گچه نامزد قالگنلر.
مذکور زوج‌لر نینگ عایله اعضالریدن بیر قطاری، اوشبو ولایتده توپلم توی مراسمی اوتکزیلیشینی خوش قرشی‌لب، انسان پرور جمغرمه‌لر و قوم بویوک‌لریدن اوشبو فرهنگ نهادینه بولیشی اوچون سعی و حرکت قیلیش‌لرینی سوره‌یدیلر.
ایناغه‌سی نینگ توی مراسمیده اشتراک ایتگن عبدالقدیر گه کوره، کوپ سانده یاشلر توی مصرف‌لرینی تأمینلش اوچون ناقانونی یول آرقه‌لی چیت ایل مملکت‌لر گه سفر قیله‌دیلر، ایریم موردلرده اوز جانلرینی قولدن بیریشه‌دی.
بیزلرنینگ توییترده هم تعقیب قیلینگ!
عبدالقدیر افغانستان نینگ حاضرگی شرایطی ده اوشبو فرهنگ نهادینه بولیشینی مهم و تأثیرچن دیب ایتیشیچه، اولکه یشاوچیلری توی خرجت‌لرینی کمه‌یتیریش اوچون کوپ_کوپ سعی و حرکت قلیش‌لری کیره‌ک.
بوندن آلدین سرپل ده ۴۳ زوج نینگ توپلم توی مراسمی، محمداکبر سلطان‌زاده نینگ انسان پرور جمغرمه‌سی تامانیدن یولگه قوییلگن ایدی.
