پاکستان ییتکرمه‌لری اوشبو مملکت نینگ کراچی بندریده دولت گه تیگیشلی توارلرنی ذخیره قیلیش خلق‌ارا ترمینالی شرکتی آرقه‌لی ترقه‌تیلگن آمار نی ارائه قیلیش بیلن اعلام قیلیشیچه، پاکستان سونگی کون‌لر تاش کومیر بولیمی‌ده اوز نیازلری نی تأمین‌لش اوچون جنوبی افریقا گه یوز کیلتیرگن که، اوتگن ایکی ییل‌ده پاکستان نیازی بولگن تا‌ش‌کومیردن کوپینچه‌سی نی افغانستان دن وارد قیله‌ر ایدی.
پاکستان ییتکرمه‌لری نینگ اعلام قیلیشیچه، میلادی جاری آی نینگ باش اون‌بیش کونی‌ده جنوبی افریقا دن اوشبو مملکت گه تاش کومیر وارد بولیش رقمی، ۴۹۳ مینگ تُن گه ییتیشیب و بو رقم اوتگن ایکی ییل‌ده نظیری کوریلمه‌گن دیر.
بیزلرنینگ «ایکس» ترماغی ده هم تعقیب قیلینگ!
جنوبی افریقا تاش کومیری بهاسی آزه‌یگنی، پاکستان نینگ اوشبو مملکت‌دن تاش کومیر وارد قیلیش گه یوز کیلتیرگنی اساسی سبب‌لریدن دییلگن.
شوندی بیرحالده، سرپرست حکومت مسئوللری افغانستان تاش کومیرینی صادر قیلیش اوچون ینگی بازارلر تاپیش آرتیدن ایکن‌لرینی معلوم قیله‌دیلر.
بو توغریده صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ سلام‌وطندار گه ایتیشیچه: «کوپینچه پیت پاکستان، ایران، هندوستان و تورکیه گه تاش‌کومیر صادراتی‌میز بار ایدی و حاضر ایسه بازار نی کوپه‌یتیریش اوچون تلاش قیله‌میز و بو توغریده چین و باشقه بیر قطار مملکت‌لر بیلن صحبت قیلگن‌میز.»
باشقه بیر تامان‌دن، کان‌لر و پترولیم وزیرلیگی مسئوللری نینگ ایتیشلریچه، بوندن سونگ افغانستان تاش کومیری صادراتی اوچون ینگی بازار تاپیش خصوصیده سعی و حرکت قیلینه‌دی و شونینگدیک مملکت‌ده اونینگ کوپراق قوللنیلیشی اوچون زمینه یره‌تیلیب، اونینگ اساسیده قازیب چیقریلیشی صورت تاپیشی ممکن.
اوشبو وزیرلیک سوزلاوچیسی همایون افغان نینگ کوپه‌یتیریشیچه: «تاش‌کومیری‌میزدن کوپینچه‌سی پاکستان گه کیته‌ر ایدی؛ بیراق اسلام امیرلیگی منطقه و فرامنطقه‌ده کومیر گه بازار تاپیش اوچون تلاش قیلماقده.»
بیزلرنینگ فیسبوک صحیفه‌میزگه باش اورینگ!
شونینگدیک اقتصادی مسئله‌لر بیلرمان‌لریدن عبدالنصیر رشتیا، حاضرگی شرایط‌ده افغانستان دن تاش‌کومیر صادراتی نینگ مملکت‌ده درآمد قولگه کیلیشی خصوصیده اونملی بیله‌دیلر. جناب رشتیا نینگ ایتیشیچه: «اوزون مدت‌ده تاش‌کومیر افغانستان فایده‌سی گه بولیشی ممکن. اونینگ صادر قیلیش گه نسبت، بیراق حاضرگی شرایط‌ده، بیران نرسه نی قولدن بیریشی‌میز کیره‌ک که حاضر نیازی‌میز بولگن توارلر نی وار قیلسک.»
ایتیش کیره‌ک که، اوتگن ایکی ییل‌ده ایکینچیلیک و صناعتی محصول‌لر نینگ صادراتی یانیده، تاش‌کومیر هم افغانستان نینگ اونملی نرسه‌لریدن حساب‌لنیب و افغانستان اوچون اوشبو صادراتی توارلر نینگ اساسی بازاری پاکستان ایدی.