پکتیکا ده تولیدی کارخانهلر مسئوللرینینگ ایتیشلریچه، دولتی برقدن فایدهلنه آلمسلیکلری و صناعتی پارک یوقلیگی سبب قیینچیلیک بیلن روپهرهلر.
اولرنینگ ایتیشلریچه، پکتیکا مرکزی شرن شهریدهگی تولیدی کارخانهلر حاضر شخصی مکانلرده فعالیت قیلماقده که بو ایش اطراف-محیط و یشاوچیلرگه زیان ییتیشتیرهدی.
شرن شهریده پلاستیکی نرسهلرنی ایشلب چیقرهدیگن کارخانه مسئولی نورمحمدنینگ ایتیشیچه، دولتی برق یوقلیگی باعث، سولری برق بیلن فعالیت قیلهدی و قیش موسومیده هوانینگ قویاشلی بولمسلیگی اوچون فعالیتی توختهیدی.
بیزلرنینگ «ایکس» ترماغی ده هم تعقیب قیلینگ!
نورمحمد کارخانهلر اوچون اَیری بیر ییر قوریلیشینی ایستهب و کوپهیتیریشیچه: «برق یوق و سولردن هم قویاش یوقلیگی اوچون فایدهلنه آلمهیمیز. بو ایش زیان کوریشیمیز گه سبب بولگن. مذکور کارخانهده بیش یریم میلیون افغانی سرمایه یاتقیزگنمیز؛ بیراق حاضر آلتی آی بولهدی که برق یوقلیگی اوچون ایشلر توختهتیلگن. شونینگدیک کارخانهلر اوچون اَیری بیر جای یوق.»
شونینگدیک شرن شهریده پاپر ایشلب چیقرهدیگن بیر کارخانه مسئولی نیازمحمدنینگ ایتیشیچه، یشش بیر اویده فعالیت قیلماقده و صناعتی پارک قوریلگنی صورتده تولیدی کوپهیب و قیمتلر کمهیشی ممکن.
نیازمند محمد روپهره بولگن قیینچیلیکلرینی بیان قیلیب و کوپهیتیریشیچه: «بیر تاماندن بازار یوق و باشقه بیر تاماندن ایسه کرایهلر آلتی-سکیز مینگ افغانی دیر. شونینگدیک ایشچیلر گه هم حقوق بیریلیشی کیرهک. بیزلر گه صناعتی پارک قوریلگنی صورتده، بو ایش بیزلر اوچون کته بیر همکارلیک بولیشی ممکن.»
بیزلرنینگ فیسبوک صحیفهمیزگه باش اورینگ!
شوندهی بیرحالده، پکتیکا صناعت و سوداگرلیک ریاستی سوزلاوچیسی شعیب بیاننینگ ایتیشیچه، اوشبو ولایتده صناعتی فعالیتلر کوچهیشی اوچون، بیر مینگ جریب ییر صناعتی پارک ایجاد بولیشیگه اختصاص بیریلگن.
اونینگ کوپهیتیریشیچه، تیزلیک بیلن صناعتی پارک قوریلیشی و ییر ترقهتیلیشینینگ باشلنیشی ممکن. شونینگدیک جناب بیان، کیلهسی قویاش ییلده مذکور ولایتده وارداتی برق ترقهتیلیشی باشلنیشی خصوصیده سعیوحرکت بولیشینی بیان قیلگن. «کارخانهلر مسئوللری قیینچیلیگینینگ حل بولیشی نی ایشانچ بیلن ایته آلهمیز. امیرالمومنیننینگ بویروغی اساسیده پکتیکا ولایتیده صناعتی پارک ایجاد بولیشی اوچون بیر مینگ جریب ییر اختصاص بیریلگن.»
پکتیکا صناعت و سوداگرلیک ریاستینینگ معلوماتی اساسیده، حاضر اوشبو ولایتده کیچیک و اورته ۱۶ تولیدی کارخانهنینگ فعالیتی بار.
