جمهور رئیس بیرینچی اورین باسری امرالله صالح نینگ ایتیشیچه، بیرینچی تیکشیروولرگه کوره، کابل بیلیم یورتی اوستیگه اویوشتیریلگن هجوم طالبان نینگ ایشی دیر.
جناب صالح بوگون (چهارشنبه، ۱۴- عقرب) فیسبوک صحیفه‌سیده یازیشیچه: «اوشبو شفقت‌سیز و غیر انسانی هجوم طالبان تامانیدن امریکا بیلیم یورتی اوستیگه اویوشتیریلگن هجوم‌گه اوخشه‌یدی.»
جناب صالح، انترکانتینینتال هوتلی و ۴ یوز یاتاق‌خانه‌لیک کسل‌خانه اوستیگه اویوشتیریلگن هجوم توغریسیده اشاره قیلیب، کابل بیلیم یورتی اوستیگه اویوشتیریلگن هجوم شبهه‌سیز طالبان تامانیدن صورت تاپگنی نی ایتگن.
جناب صالح نینگ کوپه‌یتیریشیچه: « کابل بیلیم یورتی نینگ طلبه‌لریگه قرشی هجوم اویوشتیریلگنی حقیده اوز فکری‌میزدن قضاوت قیلگنی‌میز یوق، بلکیم استخبارات سندلرگه کوره بو فکرنی بیلدیره‌میز”.
جمهور ریئس بیرینچی اورین باسری اوتگن کونی کابل بیلیم یورتی اوستیگه اویوشتیریلگن هجوم، ینگی‌لیکده خوست ولایتیده “فاتح زواک” نامیده ایجاد ایتیلگن گروه نینگ هجومی‌گه اوخشه‌یشی نی ایتگن ایدی.
دوشنبه کونی (۱۲- عقرب) توشدن آلدین ساعت ۱۱ اطرافیده ۳ قوراللی ترورچی کابل بیلیم یورتی گه کیریب، حقوق بولیمی نینگ اوقوچیلری نی اوققه توتگن. ترقه‌تیلگن گزارشلرگه کوره، اوشبو هجوم نتیجه‌سیده، ۲۲ کیشی هلاک و ۴۰ کیشی یره‌لنگن، لیکن عینی شاهدلر گه کوره، رسانه‌لر تامانیدن ترقه‌تیلگن تلفات رقمی جوده آز دیر و اصل ده تلفات رقمی جوده یوقاری بولگن.
اوشبو هجوم مسوولیتی‌نی داعش گروهی اوز بوینیگه آلگن، لیکن جمهور رئیس بیرینچی اورین باسری امرالله صالح هجوم‌نی طالبان گروهی‌گه نسبت بیرگن، اما طالبان بو هجوم گه قوللری بارلیگی نی رد قیلگن.
ایتیش کیره‌ک کیم اویوشتیریلگن هجوم‌دن ایکی کون اوتگندن کیین کابل بیلیم یورتی اوقوچیلر یوزیگه آچیلدی.
