سالنگ قتناو محلی مسئوللری، اوشبو یول ده یولاوچی تاشووچی «۴۰۴» رسوملی بیر موتر چپه بولیشیدن خبر بیره‌دیلر.
سالنگ قتناو یولیدن حفظ و مراقبت قیلیش باشلیغی ابومحمد حافظ محمدیعقوب اوشبو خبرنی تصدیقلب سلام‌وطندار گه ایتیشیچه، مذکور واقعه بوگون ایرته‌لب (شنبه، ۱۹ سنبله) ساعت ۲:۳۰ اطرافیده شمالی سالنگ حدودلری ده یوز بیرگن.
جناب یعقوب نینگ کوپه‌یتیریشیچه، واقعه طفیلی اوچ یولاوچی اولیب و باشقه ۱۲ یولاوچی یره‌لنگن.
بیزلرنینگ فیسبوک صحیفه‌میزگه باش اورینگ!
سالنگ‌لردن حفظ و مراقبت قیلیش ریاستی نینگ ایشلاوچیلری حادثه محلی گه ییتیب باریب و یره‌دارلرنی بغلان ولایتی خنجان تومنی ساغلیک مرکزی گه انتقال بیرگنلر.
عین‌حالده، سالنگ قتناو یولی ترافیک مدیریتی مسئوللری نینگ کوپه‌یتیریشیچه، حادثه طفیلی برچه اولگنلر و یره‌لنگلر ایرکک‌لر دیر.
بیزلرنینگ توییترده هم تعقیب قیلینگ!
ایتیش کیره‌ک که، مذکور واقعه موتر هیداوچی نینگ دقت‌سیزلیگی باعث یوز بیرگن.
