سلاموطندار، مملکت ۱۱ ولایتیده ایران و پاکستاندن قیتگن ۳۹ عیال بیلن صحبت قیلگن، اولرنینگ سۉزلریگه قرهگنده، مملکت گه قیتگچ کوپینچه قیینچیلیک بیلن روپهره بولگنلر.
ایراندن قیتگن ۲۲ عیال و پاکستاندن قیتگن ۱۷ عیالدن اولرنینگ کوپینچهسی باشپنهسیزلیک، طبی امکانیتدن فایدهلنه آلمسلیک، اۉزلری و بالهلری اوچون نامعلوم کېلهجک بیلن دوچ بولگنلر.
سرپرست حکومتنینگ مهاجرلر گه ییر توزیع قیلیش و باشقه امکانیت یرهتیب بیریش وعدهلری بیلن، اوشبو عیاللرنینگ ایتیشلریچه، حاضرگه قدر بوتوغریده هېچ عملی اقدام بولمهگن و حمایتی برنامه یا که عملی بولمهگن یا-ده مستحق کیشیلر گه بیریلمهگن.
قندوز ولایتیدن ۴۰ یاشر گل بشره، ۳۵ ییل عمرینی پاکستانده و بغلانلیک ۴۵ یاشر قندیگل بیش ییل عمرینی ایراننده اوتکزگنلر ایتیشلریچه، مملکتده سۉنگی ییللردهگی ناتینچلیک و ایشسیزلیک باعث، اولر مملکتنی ترک اېتیش گه مجبور بولگن و حاضر مملکت گه قیتیش بیلن باشپنهسیزلیک قیینچیلیگی بیلن روپهره بولگنلر.
گل بشره گه کوره: «کوپ عذابده میز، ۱۱ کون آوقتلنمهدیک هېچ کیم ایشیتمهدی. جبردن چیقردیلر. قندوز بارهمیز سرک اوستیده قالیشیمیز ممکن، بیر خیمه بولگنده کفایه قیلردی. بونگه خفه من که او ییرگه باریب نیمه قیلسهی؟»
بیزلرنینگ فیسبوک صحیفهمیزگه باش اورینگ!
قندیگلنینگ کوپهیتیریشیچه: «بغلان بارهمیز اوی-جای یوق، پول بولمسه، حویلی بولمسه، قییر گه بارهیدیک. اوی-جای و یاردم بیریشلرینی اېستهی من.»
باشپنهسیزلیک یانیده، مملکت گه قیتگن عیاللردن بیرقطاری طبی قیینچیلیکلر بیلن روپهره بولگن، اولر گه کوره، مملکت گه قیتگچ طبی امکانیتلردن فایدهلنه آلمهگنلر؛ گرچند باشقه بیرقطار عیاللر طبی قیینچیلیکلری حل اېتیلیشی اوچون ساغلیق سیار تیملر بارلیگینی تصدیقلهیدی.
قندوزلیک ۳۰ یاشر زربیبی گه کوره، مملکت گه قیتگچ کسل بالهلری اوچون هېچ قندهی دارو یاردم بیریلمهگن و کابلدن ۳۱ یاشر نبیلا، سرطان کسلی گه چلینگن سلاموطندار بیلن اوتکزگن صحبتیده، اۉز کسللیگینی دوالش اوچون قیته ایران گه باریش گه مجبورلیگینی اېتهدی.
زربیبینینگ ایتیشیچه: «بوگون تورتینچی کونیمیز دیر. قالیش اوچون هېچ جاییمیز یوق؛ بالهلریم کسل و حاضرگچه بو ییرده دارو بیریشگنی یوق.»
نبیلانینگ کوپهیتیریشیچه: «اېنگ کتّه معما شو کسللیک دیر؛ اۉزیمنی ایرانده دوالردیم. مهاجر قبول قیلسه و امکانیت یرهتیلگن تقدیرده، شفاکار و دارو گه یقین بولیش اوچون، قیتهمن؛ چونکه هر آلتی آیده شفاکار تېکشیریشی کېرهک. هر آلتی آیگه باریب-کېلیش اوچون قوربیم یېتمهیدی؛ ویزه و پاسپورت بیلن باریب-کېلیش مین اوچون قیین دیر.»
بیزلرنینگ «ایکس» ترماغی ده هم تعقیب قیلینگ!
افغانستانده اوقیش و ایشلش حقیدن محروملیک، باشقه تشویشلردن بولیب و مملکت گه قیتگن عیاللر اونگه اشاره قیلهدیلر. هراتدن ۲۱ یاشر مریم، مملکتده سیاسی توزوم اۉزگرگنیدن سۉنگ بیش کیشیلیک عایلهسی بیلن اوقیشنی دوام بیریش اوچون مملکتنی ترک اېتیش گه مجبور بولدی، اۉز تشویشلری حقیده بوندهی دیېدی: «کېتیشیمیزدن مقصد حکومت اۉزگریشی اېدی؛ چونکه اوقیشدن کېینگه قالگندیک؛ حاضر بیکارمیز و یخشی وظیفهمیز یوق؛ حتا سینگلیم و ایناغهم اوقیشدن قالگن. اېندی تقدیرسیز احوال گه قالگنمیز.»
شونینگدیک، مملکت گه قیتگن عیاللر میزبان مملکتلرده مهاجرلر بیلن یامان مناسبت، کمبغللیک، کسللیک و حتا عایله اعضالرینی قولدن بیرگنلرینی اېتهدیلر.
پنجشیر یشاوچیسی ۵۴ یاشر قندیگل، ایشسیزلیک و درآمد منبعسی یوقلیگی اوچون، تورت ییل اول ایران گه بارگن اېدی؛ بیراق او ییرده آغیر حیات شرایطی بیلن دوچ کېلگن.
او، درد و بوغزی آلینگن آواز بیلن ایتیشیچه: «الله آدمنی اۉز یورتیدن محروم قیلمهسین؛ بارگنیمیزده کوپ قیینچلیکلرنی کوردیک؛ اۉزیمیز، بالهلریمیز، سرکلرده ایشلردیک؛ بیراق پولیمیزنی یخشی بیریشمر اېدیلر. کوپ قیینچیلیکلرنی کوردیک. امکانیت یرهتیلگن تقدیرده، یگانه آرزویم اوغلیمنینگ مزاریگه باریش؛ بولمسه ایران گه باریشنی اېستمهی من.»
عیال حقوقی فعاللری، بو عیاللرنینگ احوالیگه یېترلیچه اعتبار بیریلیشی گه تأکیدلب، بوتوغریده وقتیده دقت بولمهگن حالده، قیینچیلیکلر جدی بولیشی حقیده آگاهلنتیرهدیلر.
عیال حقوقی فعالی فروزان داوودزی گه کوره: «ایران و پاکستاندن مملکت گه قیتهدیگن مهاجرلرنینگ احوالی یخشی اېمس؛ چونکه بولر کېلهدیگن کمپلرده، بولهدیگن امکانیت یوق. بو مهاجرلر گه وقتیده دقت قیلینمهگن تقدیرده، نهفقط بولرنینگ بالهلری اوقیشدن محروم بولهدی؛ بلکه بالهلر و عیاللر روحی و طبی قیینچلیکلر بیلن روپهره بولیشلری ممکن.»
برچهسی بیلن، سرپرست حکومت قاچقینلر وزیرلیگی مسئوللری، قیتگنلر اوچون آزیق-آوقت، نقد پول و ترانسپورت واسطهلری کبی بوتون امکانیت یرهتیلگنینی معلوم قیلهدیلر.
قاچقینلر وزیرلیگی سۉزلاوچیسی عبدالمطلب حقانی، مملکت گه قیتگن مهاجرلر سانی حقیده ایتیشیچه: «بیرینچی اپریلدن ۱۸-اپریل گه قدر، ۸۷ مینگ ۱۹۴ مهاجر قۉشنی مملکتلردن اولکه گه قیتگن، اولرنینگ ۷۰ مینگ نفری پاکستان، ۱۶مینگ ۹۰۰ نفری ایران و ۲۵۶ نفری تورکیهدن کېلگنلر. قیتگن مهاجرلرنینگ ۴۹ مینگ تهسی بالهلر و قریب ۲۱ مینگ تهسی عیاللر دیر.»
اوتگن ییللرده ترقهلگن گزارشلر و معلوماتلر اساسیده، افغانستانلیک کوپینچه مهاجرلر ایران و پاکستانده نامناسب یاندهشوو و زورهوانلیک بیلن روپهره بولگنلر.
