سلام‌وطندار مملکت بویلب ۳۵ عیال بیلن اولر نینگ «بلوغتی و یاشلیگی» حقیده صحبت قیلگن. بو عیاللر، یاش‌لیکلری قنده‌ی اۉتیب کېتگنینی حتا سېزمه‌ی قالگنلرینی اېتگنلر. اوشبو عیاللر یاش‌لیکلری اۉتیب کېتگنیدن خواطر بیلدیریب و اولردن بیرقطاری حیات نینگ اېنگ مهم باسقیچینی قولدن بیرگنی اوچون مأیوس بولگنلرینی معلوم قیله‌دیلر.
اوشبو عیاللر نینگ ۱۲ نفری کمبغل‌لیک و یوقاری آرزولر، ۱۰ نفری ولادت آره‌سیده‌گی وقفه‌نی رعایت اېتمسلیک، سکیز نفری شکر و باشقه کسل‌لر گه چلینیشنی حیات‌لری نینگ اوشبو مهم باسقیچیدن لذت اېته آلمسلیک عاملی عنوان قیله‌دیلر.
اوشبو گزارش ده صحبت قیلگن عیاللردن اوچ نفری اوی و اوی دن تشقری شاق ایشلر بیلن مصروف‌لیگی و باشقه ایکّی نفری عایله‌وی زوره‌وانلیک‌لرنی، گوزه‌ل‌لیک و یاش‌لیکلری اۉتیب و لذت اېته آلمسلیک عاملی عنوان قیلگنلر.
۲۶ یاشر پلوشه و ۳۵ یاشر فریبا، قویی یاشرلیکده باله‌لری کوپ‌لیگی اوچون گوزه‌ل‌لیک و یاش‌لیکلرینی قولدن بیرگنلرینی اېته‌دیلر. ننگرهار یشاوچیسی و اوچ باله آنه‌سی پلوشه سلام‌وطندار بیلن اۉتکزگن صحبتیده ایتیشیچه، یاش‌لیگینی قویی یاشرلیگیده تورموش قوریش، کېتمه-کیت توغیش و یخشی آوقت‌لنه آلمسلیک باعث کوپ قیینچیلیک بیلن اۉتکزگن.
اونینگ کوپه‌یتیریشیچه: «یوزیم نینگ بوزیلیش یگانه سببی، کونده‌لیک قاعده‌لرنی رعایت اېتسملیک، قویی یاشرلیکده تورموش گه چیقیش دیر، بیرینچی باله‌م قیز بولگنی اوچون همه بیرینچی باله‌نگ اوغیل بولیشی کېره‌ک اېدی، دییشردی. کېتمه-کیت توغیش باعث یوزیم بوزیلدی؛ چونکه قانیم آز، یوزیم گه قاره لکه‌لر تاپیلدی و کوزلریم ضعیف بولگن.»
بیزلرنینگ فیسبوک صحیفه‌میزگه باش اورینگ!
تورت باله آنه‌سی فریبا گه کوره: «انده-سنده آئینه گه قره‌ی من، اطراف ده‌گی‌لریم و عایله اعضالریم تورت باله اوچون اۉزینگنی نابود قیلدینگ دیېدیلر. آئینه گه قره‌گن حالده، یوزیم بوزیلیب و کوزلریم نینگ اطرافی ده قاره لکه‌لر تاپیلگنینی کوره‌من.»
افغانستانده عایله‌لر نینگ اقتصادی احوالی، عیاللرنی قیینچیلیک بیلن دوچ قیلگن باشقه معمالردن سنله‌دی. اولر نینگ بیرقطاری کمبغل‌لیکنی یاش‌لیک و گوزه‌ل‌لیکلرینی قولدن بیریش سبب‌لریدن دیب بیله‌دیلر. اولر گه کوره، یخشی آوقت‌لنه آلمسلیک و دستلبکی امکانیت‌لردن فایده‌لنه آلمسلیک اولر نینگ حیاتی گه سلبی تأثیر قویگن.
کاپیسا یشاوچیسی و بیش باله آنه‌سی تورپیکی نینگ ایتیشیچه، عایله‌وی و اقتصادی قیینچیلیک تیریکچیلیگی و جسمانی تېزیلمه‌سی گه تأثیر قیلیب و یاشلیگی اۉتیشینی اصلا سېزمه‌ی قالیشی گه سبب بولگن. اونینگ کوپه‌یتیریشیچه: «اقتصادی قیینچیلیک باعث ساغلیق احوالیم یخشی اېمس. یخشی آوقت‌لنه آلمسلیک قان آزلیک و اضطرابلی بولیشیم گه سبب بولگن.»
بیزلرنینگ «ایکس» ترماغی ده هم تعقیب قیلینگ!
۳۵ یاشر فریبا گه کوره: «اقتصادی قیین احوال باعث یخشی آوقت‌لنه آلمس اېدیم؛ شونی اوچون قانیم آزه‌یگن و ویتامین آزلیگی طفیلی کونسه‌یین تنه‌م تېریسی بوزیلماقده. ۳۵ یاشر من؛ بیراق ۴۰ یاشر کورینه‌من. همه قریب قالگنیم نی اېته‌دیلر.»
بیش باله آنه‌سی سهیلا و تورت باله آنه‌سی قمرگل نینگ ایتیشلریچه، آغیر محنتچیلیک تورلی کسل‌لیکّه چلینیش‌لری گه سبب بولگن. سهیلا نینگ ایتیشیچه: «قویاش آستیده ایشلش، تندور ده نان پیشیریش و سوپیریش یوزیم نینگ بوزیلیشی گه سبب بولگن و ویتامین آزلیگی اوچون تیریم قریب و بوزیلگن.»
قمرگل نینگ کوپه‌یتیریشیچه: «اوی و اوی دن تشقری ایرککلر بیلن یانمه-یان ایشلش قیین دیر، حتا بعضی وقت‌لر اېرته‌لب آوقت‌لنیش ایسیمیزدن چیقه‌دی.»
بو قیینچیلیک‌لر گه قۉشیمچه، عایله ده‌گی جنجل و زوره‌وانلیک، عیاللر نینگ حیاتی اوستیگه سلبی تأثیر قویگن باشقه معمالردن سنله‌دی.
۲۶ یاشر زینب عایله‌وی جنجل و زوره‌وانلیک اونی روحی قیینچیلیک بیلن چلینیشی و تیریسی اۉزگریشی گه سبب بولگنینی اېته‌دی: «یوزیم گه تاپیلگن لکه‌لر، ولادت دن کېین یخشی آوقت‌لنمسلیک باعث تاپیلدی؛ تنه‌م یخشی آوقت‌لنیش گه احتیاجی بار اېدی لېکن یخشی آوقت‌لنه آلمه‌دیم. عایله‌وی قیینچیلیک باعث روحی قیینچیلیکّه چلیندیم و تیریم اۉزگریشی گه سبب بولگن.»
شفاکارلر و روان‌شناس‌لر، خاتین قیزلر بحران پیتیده روحی و جسمانی نقصان کوریب و یاش‌لری اوستیگه تأثیر قیلیشینی اېته‌دیلر.
روان‌شناس هیبت‌الله ابراهیم‌خیل نینگ سلام‌وطندار گه ایتیشیچه: «بیر قیز تورموش قورگن حالده، تورموش اورتاغی نینگ اویی ده آشنا اېمس و بو ایش اونینگ اوستیگه تأثیر قیله‌دی، عیاللر نینگ وقت دن آلدین قریشی باره‌سیده کوپ دلیل‌لر بار؛ عیاللر عاطفی بولگنی اوچون اولر گه اعتبار بیریلمه‌گن حالده کوپینچه‌سی روحی قیینچیلیک تاپه‌دیلر.»
نسایی-ولادی بولیم شفاکاری سمیرا شهیر، قانونی یاشنی تولدیرمه‌ی و جبری تورموش گه چیقریلیشنی عیاللر نینگ آرزولری گه اېته آلمسلیک دلیل عنوان قیله‌دی. اونینگ کوپه‌یتیریشیچه: «ولادت‌لر آره‌سیده وقفه رعایت بولمسلیگی عیاللر نینگ تنه‌سی یخشی آوقت‌لنیش گه ضرورت تاپه‌دی و یخشی آوقت‌لنمسلیک اولرنی تورلی خیل قیینچیلیک بیلن دوچ قیله‌دی.»
بیراق تیری بولیم شفاکارلری نینگ ایتیشلریچه، آق و قوریق تیری گه اعتبار قره‌تیلمه‌گن حالده، تېزلیک بیلن بوزیله‌دی. تیری بولیم شفاکاری سمیرا سمیع‌زاده نینگ ایشانچی گه کوره، یخشی آوقت‌لنه آلمسلیک، سوو اېتیشمسلیک، روحی باسیم‌لر و صفت‌سیز گوزه‌ل‌لیک اوسکونه‌لردن قوللـنیش، تیری بوزیلیشی گه سبب بوله‌دی.
اونینگ ایتیشیچه: «ایرککلر گه نسبتن عیاللر تیزلیک بیلن قره‌یدی. تیری بوزیلیشی نینگ تورلی سبب‌لری بار؛ آق و قوریق تیری نینگ اصلی سببی سوو اېتیشمسلیک دیر. استرس و روحی باسیم‌لر تیری قری بولیشی گه سبب بوله‌دی. قان آزلیگی، اشتهاسیزلیک تیری نینگ بوزیلیشی گه سبب بوله‌دی.»
ایشانچ‌لر گه اساس، خاتین قیزلر نینگ حقوقی اعتبار گه آلینگن حالده، اولر نینگ نه‌فقط ساغلیق و جسمانی سالم قاله‌دی؛ بلکه عایله‌وی کوپینچه قیینچیلیک‌لری حل بوله‌دی.
