روسیهنینگ تدقیقات رسمیلری، مسکو جنوبیده بیر موترده بمب پارتلهشی نتیجهسیده، بو مملکت ییریک جنراللریدن بیرینینگ هلاک بولگنینی معلوم قیلگن.
روسیهنینگ تدقیقات کمیتهسی، بوگون (۱-جدی، دوشنبه)، گزارش بیریشیچه، روسیهنینگ قوراللی کوچلری بوییچه باش ستادیدهگی تعلیم بولیمی باشلیغی فانیل سارواروف قتلی حقیده، تیکشیریشلرنی باشلهگن.
آغیر جرملرنی تیکشیریش مسئولی بولگن اوشبو نهادگه کوره، مذکور جنرال روسیه پایتختی جنوبیده اونینگ موتریده پارتلش اوسکونه پارتلهگنی پیتده، هلاک بولگن.
روسیه ییتکرمهلرینینگ گزارش بیریشیچه، بو موتر مسکو وقتی بیلن ایرتهلب ساعت ۰۷:۰۰ ده، هیداوچی موتر ایچیده بولگنی بیرحالده پارتلهگن.
اوکراین، بوندن آلدین هم ۲۰۲۴-ییل دسمبر ده بو کبی بیر هجوم مسئولیتینی بوینیگه آلگن ایدی. مذکور هجومده بیولوژیکی، کیمیایی و هستهای قوریلمهلرنی سقلش کوچلری باشلیغی ایگور کیریلوفنی اولدیرگن.
