اوکراین ده رسمیلرنینگ اعلام قیلیشیچه، بو مملکت گه روسیهنینگ اویوشتیرگن اینگ ینگی هجومی نتیجهسیده، کمیده بیر کیشی اولیب و ۱۱ کیشی یرهلنگن.
رویترز آژانسینینگ گزارش بیریشیچه، روسیه بوگون ایرتهلب (۸-قوس، شنبه)، اوکراین پایتختی کییفنینگ بیر قطار بولیملرینی پهپاد و راکته هجوملری بیلن نشانگه آلگن.
گزارش اساسیده، روسیهنینگ هجوملریدن کیین کییفده کینگ کولملی یانغین یوز بیرگن.
سونگی تورت کون جریانیده، روسیه آرقهلی اوکراین پایتختی گه اویوشتیریلگن تورتینچی هجوم دیر.
کییفنینگ حربی رسمیلری، ایرتنگدن حاضرگچه بو شهرنینگ آلتی حدودی روسیه هجوملری آرقهلی نشانگه آلینیب، یشش بنالر و باشقه قوریلمهلرنینگ زیان کورگنینی اعلام قیلگن.
کیلهسی کونلرده اوکراین اوروشی یکونلنیشی توغریسیده امریکا مخصوص نمایندهسی استیف ویتکافنینگ روسیه جمهور باشلیغی ولادیمیر پوتین بیلن مذاکره قیلماقچین بولگنی بیرحالده، روسیهنینگ بو هجومی اویوشتیریلگن.
روسیه و اوکراین آرهسیده توقنشوولر باشلنگنیدن قریب تورت ییل اوتیب و بو مدتده، آتیش کیسین برقرار بولیشی و اوروش توختهتیلیشی اوچون بولگن سعیوحرکتلر نتیجه بیرمهگن.
