روسیه و اوکراین اورتهسیده ایکّینچی دور مذاکرهلر، بوگون (۱۲-جوزا، دوشنبه) تورکیهنینگ استانبول شهریده اۉتکزیلیشی کوتیلهدی.
تورکیه یېتکرمهلری، اوشبو مملکت تشقی ایشلر وزیرلیگیدن نقل قیلیب، روسیه و اوکراین هیئتلری اورتهسیده مذاکرهلر بوگون محلی وقت بیلن ساعت ۱:۰۰ اطرافیده، استانبولنینگ «چراغان» سرایده اۉتکزیلیشینی معلوم قیلگنلر.
بیزلرنینگ فیسبوک صحیفهمیزگه باش اورینگ!
صلح مذاکرهلری، روسیه تامانیدن بو مملکت جمهور باشلیغینینگ مصلحتچیسی ولادیمیر مدینسکی و اوکراین تامانیدن اوشبو مملکت مدافعه وزیری رستم عمروف باشچیلیگیده اۉتکزیلهدی.
بو مذاکرهلرنینگ بیرینچی دوری اوتگن میلادی آی ۱۶-می ده اۉتکزیلگندی و ایکّی تامان بیرمینگ اسیرنی المشتیریش و شونینگدیک آتیش کېسین برقرار اېتیلیشی اوچون دستلبکی حجتلرنی آلیش-بیریش گه کېلیشگن اېدیلر.
بیزلرنینگ «ایکس» ترماغی ده هم تعقیب قیلینگ!
روسیه و اوکراین اورتهسیده حربی اوروش باشلنگنیدن قریب اوچ ییل اوتگچ، اوروش گه چېک قوییش و صلح برقرار اېتیلیشی بوتون سعی-حرکتلر حاضرگه قدر نتیجه بیرمهگن.
