روسیه و اوکراین هیأت‌لری آره سیده بیرینچی دور صلح مذاکره‌لری یکونیدن کیین، مسکو و کی‌یف رسمی‌لری نینگ اعلامی اساسیده، ایکی تامان هیأت‌لری کیله‌سی نیچه کونگچه ایکینچی دور صلح مذاکره‌لری گه تیار بوله‌دیلر.
بیرینچی دور صلح مذاکره‌لری بلاروس چیگره‌سیده اوتکزیلدی، ایکی تامان هیأت‌لری بحث موردلری خصوصیده مصلحت قیلیش اوچون پایتخت‌لری گه قیتگن‌لر. مصلحت‌دن کیین، بلاروس و لهستان آره لیغیده‌گی چیگره‌ده، ایکینچی دور صلح مذاکره‌لری باشله‌نیشی کوتیله‌دی.
بیزلرنینگ فیسبوک صحیفه‌میزگه باش اورینگ!
بیرینچی دور مذاکره‌لرده، اوکراین‌لیک هیأت تیزلیک بیلن آتش کیسین برقرار ایتیلیشی و روسیه حربی کوچلری اوکراین‌دن چیقیشینی سوره‌گن، بیراق روسیه اوکراین نینگ بو ایسته‌گینی رد ایتگن.
عین‌حالده، بیرلشگن ملتلر تشکیلاتی نینگ عمومی مجمع مخصوص ییغینی اوتگن کونی، اوکراین وضعیتی گه دایر اوشبو تشکیلات مقری ده اوتکزیلدی
اوشبو ییغینده خلق‌ارا تشکیلاتی نینگ باش کاتبی آنتونیو گوترش، اوکراین ده‌گی اوروش توخته‌تیلیب و عسکرلر قطعه‌لری گه قیتیش‌لرینی ایتدی. او رهبرلردن صلح مذاکره‌لری اوچون حرکت قیلیب و تینچ اهالی محافظت بولیشینی طلب قیلدی.
بیزلرنینگ توییترده هم تعقیب قیلینگ!
بو عین‌حالده ینگی لیکده ماهواره‌لرده ترقه‌لگن ویدیولر، روسیه نینگ زرهی واسطه‌لر بویوک کروانی، اوکراین پایتختی تامان باره یاتگنینی کورسته‌دی. «مکسار تکنولوژیز» ماهواره‌یی تصویرلر شرکتی نینگ گزارشی اساسیده، یوزلرچه زرهی واسطه، تانک، توپ‌خانه و لوژستیکی تدرکات یوکله‌گن جهاز شامل مذکور کروان اوزونلیگی ۲۷ کیلومتر دیر.
برچه‌سی بیلن، روسیه نینگ اوکراین گه باستیریب کیریشی ۶- کونیده، اوکراین رسمی‌لری نینگ ایتیشلریچه، روسیه عسکرلری اوشبو مملکت نینگ ییریک شهرلریدن هیچ بیرینی حاضرگچه تصرف ایته آلمه‌گن.
