حادثهلرگه قرشی کورهش ملی ادارهسینینگ ماین تازهلش بوییچه هماهنگلیک و انسجام باشلیغی نورالدین رستمخیل، اوتگن اوروشلردن پارتلمهی قالگن ماینلر و پارتلاوچیلر مادهلر بیلن افغانستاننینگ افلاسلنگنیدن خواطر بیلدیریب، ماین تازهلش برنامهسی دوامی اوچون خلقارا همجمعیتنینگ کوپراق حمایت قیلیشینی ایستهگن.
جناب رستمخیل، سلاموطندار گه صوتی فایل یوباریش بیلن اورغولشیچه، افغانستان حاضرگچه پارتلمهی قالگن ماینلر و پارتلاوچی مادهلردن کوپینچه زیان کورهدیگن مملکتلردن دیر. اونینگ کوپهیتیریشیچه: «بیزلر آیده اوروشدن قالگن ماینلر و پارتلاوچی مادهلرنینگ پارتلهشیگه تیگیشلی حادثهلر نتیجهسیده ۵۰-۶۰ کیشینینگ قربانی بولیشیگه شاهدمیز که اولردن کوپینچهسینی بالهلر تشکیل بیرهدی. بو قیینچیلیک افغانستان اهالیسی حیاتیگه جدی تاثیر کورستماقده.»
بیزلرنینگ فیسبوک صحیفهمیزگه باش اورینگ!
حادثهلرگه قرشی کورهش ملی ادارهسینینگ ماین تازهلش بوییچه هماهنگلیک و انسجام باشلیغی، برچه سعیوحرکت بیلن ینه هم ماین تازهلش برنامهلرینینگ بودجه کملیگی بیلن روپهره بولگنینی بیان قیلیب، اوشبو برنامهلرینینگ فایدهلی شکلده دوام قیلیشی اوچون خلقارا همجمعیتدن مالی حمایتلری کوپهیشینی سورهگن.
نورالدین رستمخیلگه کوره، اسلام امیرلیگینینگ قدرت گه ایریشگنیدن بویان، اوروشدن قالگن ماینلر و پارتلاوچی مادهلر بیلن افلاسلنگن ۶۰۰ کیلومتر ییر تازهلنگن. رستمخیلنینگ تاکید قیلیشیچه، اسلام امیرلیگی دایمی شکلده بو برنامهلردن حمایت قیلیب و دایم ماین تازهلش تیملری یانیده توختهگن. «کیلهسی نسللر اوچون تینچ و ماینلر بیلن پارتلاوچی مادهلردن تازهلنگن بیر افغانستان گه شاهد بوله آلیشیمیز اوچون خلقارا همجمعیت و یاردم بیرووچی نهادلردن بو برنامه بیلن همکارلیک قیلیشلرینی ایستهیمیز.»
بیزلرنینگ «ایکس» ترماغی ده هم تعقیب قیلینگ!
تورتینچی اپریل، ۲۰۰۵-ییلده بیرلشگن ملتلر تشکیلاتی آرقهلی خلقارا ماین خوفلریدن آگاهیلیک بیریش کونی صفتیده ناملنگن.
بو کون ماینلر و پارتلاوچی مادهلر طفیلی تهدیدلرگه خلقارا توجهلر کوپهیشی و دنیادهگی تورلی مملکت جملهدن بو قیینچیلیک بیلن روپهره بولگن افغانستان کبی مملکتلرده ماینلر و پارتلاوچی مادهلر طفیلی زیانلر کمهیشی توغریسیده سعیوحرکت مقصد اختصاص بیریلگن.
