سعودی عربستان و بیرلشگن عرب امیرلیگی رهبرلری، سونگی هفته‌لرده آمریکا جمهور باشلیغی جوبایدن بیلن علاقه قوریشدن باش تارتگن‌لر؛ چونکه آمریکا و متحدلری روسیه نینگ اوکراین گه باستیریب کیریشی باعث نفت نرخینی پس توشیریش نیتیده دیر.
وال‌استریت ژورنال نینگ گزارشی اساسیده و آمریکا و اورته آسیا رسمی‌لری‌دن نقل قیلینیشیچه، سعودی عربستان ولیعهدی محمد بن سلمان و بیرلشگن عرب امیرلیگی ولیعهدی شیخ محمد بن زاید آلنهیان، آمریکا نینگ بایدن بیلن مذاکره قیلیش اوچون تکلیف‌لری گه جواب قیتیرمه‌گنلر. آمریکالیک بیر رسمی نینگ ایتیشیچه، بایدن و شاهزاده محمد بن سلمان صحبتی ریجه‌لنتیریلگن ایدی؛ بیراق بو علاقه عملی بولمه‌دی.
بیزلرنینگ فیسبوک صحیفه‌میزگه باش اورینگ!
اوتگن هفته روسیه هم شامل اوپک +، غرب نینگ طلب‌لری گه قره‌می، نفت محصولاتی نرخی آشیشینی رد ایتدی. شو بیلن بیرگه، آمریکا قوشمه ایالت‌لری و سعودی عربستان آره‌سیده مناسبت‌لردن عین حالده گزارش بیریلماقده که، بایدن دولتی سه‌شنبه کونی روسیه نینگ نفت وارداتینی رسمی منع قیلیش بیلن، نفت نرخینی پس توشیریشنی ایسته‌یدی که بو ایش بیر بُوشکه نفت‌نی ۱۳۰ دالر گه ییتکیزه‌دی و بو قیمت اوتگن ۱۴ ییل‌ده مثل سیز دیر.
برچه‌سی بیلن، آمریکا روسیه نینگ متحدلریدن و دنیاده اینگ ییریک نفت ایگه‌سی ونزویلا بیلن انچه ییل‌لردن کیین، دیپلوماتیک مناسبت برقرار قیلدی. سعودی عربستان و آمریکا مناسبت‌لری، بایدن نینگ جمهورلیک ریاستی دوره‌سیده، آمریکا نینگ خلیج فارس منطقه‌سی خصوصیده سیاستی ساووقلشگن. ایران نینگ هسته‌یی کیلیشووینی قیته تیکلش، یمن ایچکی اوروشی‌ده آمریکا سعودی عربستان نینگ قوللب قوتلمسلیگی و حوثی‌لر نینگ آمریکا تروریستیک گروه‌لر رویخطی گه کیریتیلیشی، سعودی نینگ نظامی سیز هسته‌یی برنامه‌سی و جمال خاشقجی اولدیریلیشی باره‌سیده شاهزاده محمدبن سلمان نینگ قانونی مصونیتی آمریکا تامانیدن رد بولیشی، ایکی مملکت مناسبت‌لری ساووقلشی‌گه سبب بولگن موردلردن عبارت دیر.
بایدن سیلاو کمپاین‌لری زمانیده، قدرت گه ایریشی بیلن سعودی پادشاه‌سی بیلن «منفور» مملکت اوله‌راق یانده‌شیشی خصوصیده وعده بیریب و «سعودی عربستان نینگ حاضرگی دولتی‌ده اجتماعی ارزش‌لر جدا هم آز ایکنینی اورغوله‌گندی.»
آق سرای سوزلاوچیسی جن ساکی، اوشبو هفته اول‌لریده ایتیشیچه، بایدن و شاهزاده محمد بن سلمان نینگ صحبتی اوچون برنامه، تیزلیک بیلن عملی بولمه‌ی و جمهوررئیس بایدن نینگ ریاض گه سفر قیلیش برنامه‌سی یوق دیر.
بیزلرنینگ توییترده هم تعقیب قیلینگ!
بیرلشگن عرب امیرلیگی نینگ آمریکاده‌گی ایلچیسی یوسف القطیبه، مذکور ایکی مملکت مناسبت‌لری ساووق لشگنینی تصدیقلب ایتیشیچه: «بوگون بیز استرس سناوینی باش‌دن کیچیرماقده میز، لیکن بو باسقیچ‌دن اوتیب و یخشی جای گه ییتیشمیزگه ایشانه‌من.» عربستان نفت بازارینی بیر تور اسره‌ش اوچون کوپ نفت ایشلب چیقریش کوچی‌گه ایگه بولگن خلیج فارس تیوره‌گیده بولگن مملکت دیر.
آمریکا تشقی ایشلر وزیرلیگی و ملی خوفسیزلیک کینگشی ییریک رسمی‌لری، آمریکا نماینده‌لیگیدن سونگی هفته‌لرده ریاض و ابوظبی گه سفر قیلگن لیکلرینی ایتگنلر. شو بیلن بیرگه، ژورنال نشریه‌سی گه کوره، جمهور رئیس بایدن اوشبو ییل ۹ فبروری‌ده شاه سلمان بیلن تیلیفونی صحبت قیلگن. اولر اوشبو صحبت‌لریده مملکت‌لری نینگ اقتصادی استراتیژیک مشارکتی اوستیگه تأکید ایتگنلر. بیرلشگن عرب امیرلیگی تشقی ایشلر وزیرلیگی، بایدن و شیخ محمد بن زاید آلنهیان نینگ تیلیفونی علاقه‌سی قیته‌دن ریجه‌لنتیریلیشینی اعلام قیلگن.
