پاکستان حربیلری نینگ خوست و کنر ولایت‌لریده تینچ‌اهالی‌لر گه اویوشتیرگن هجوملری نتیجه‌سیده، ۳۰دن آرتیق کیشی هلاک بولگن و اسلامی امارت پاکستان نینگ اوشبو هجوملری نی قاره‌لگن.
اسلامی امارت سوزلاوچیسی ذبیح‌الله مجاهد نیچه دقیقه آلدین توییتر صحیفه‌سیده یازگن که: «افغانستان اسلامی امارت، پاکستان نینگ خوست و کنرده مهاجرلر گه قرشی اویوشتیرگن ظالمانه هجوملری نی جدی شکلده قاره‌له‌گن. پاکستان گه سیس‌لنیب افغانلر نینگ صبرلری نی بو مسئله‌لر برابریده امتحان قیلمه‌ینگ و باشقه بو اشتباه نی تکرار قیلمه‌ینگ، عکسینچه حالده، یمان نتیجه بیریشی ممکن.»
اسلامی امارت سوزلاوچیسی نینگ اورغولشیچه، بوتون موضوع‌لر سیاسی یول آرقلی حل بولسین. شونده‌ی بیرحالده، بوگون ایرتنگ چاغی پاکستان حربیلری خوست‌ده وزیرستان مهاجرلری نی بمبارد قیلگنلر.
بیزلرنینگ توییترده هم تعقیب قیلینگ!
شونینگدیک اوتگن کیچه، کنر ولایتی شلتن تومنیده یشش منطقه‌لر گه توپخانه‌یی هجوم‌لر اویوشتیریب و اونینگ نتیجه‌سیده، عیاللر و باله‌لر شامل تینچ اهالی‌لر هلاک و یره‌لنگن.
کنر و خوست‌دن قولگه کیلگن گزارشلر گه کوره، اوشبو هجوم‌لر عاقبتیده، خوست‌ده باله‌لر و عیاللر شامل ۳۰ کیشی و شونینگدیک کنرده باله‌لر و عیاللر شامل ۵ کیشی هلاک بولگن. پاکستانی رسمی‌لر حاضرگچه بوتوغریده هیچ بیر نرسه دیمه‌گن.
شونده‌ی بیرحالده، بوگون توش‌دن کیین، اسلامی امارت تشقی ایشلر وزیرلیگی بیر خبرنامه ترقه‌تیب ایتگن که، افغانستان چیگره منطقه‌لریده اوشبو مملکت هجوملری گه تیگیشلی، کابل‌ده پاکستان ایلچیسی منصور احمدخان نی چقیرگن. شونینگدیک اوشبو وزیرلیک افغانستان چیگره منطقه‌لریده پاکستان حربیلری نینگ هجوملری نی قاره‌لب و اونینگ تکرار بولمه‌یشی خصوصیده اورغولگن.
اسلامی امارت تشقی ایشلر وزیرلیگی نینگ خبرنامه‌سی اساسیده، اوشبو وزیرلیک سرپرستی امیر‌خان متقی کابل‌ده پاکستان ایلچیسی گه ایتگن که، افغانستان توپراغی گه اوشبو مملکت هجوملری نینگ دوام قیلگنی، ایکی تامان رابطه‌لری نینگ بوزه‌دی.
اسلامی امارت تشقی ایشلر وزیرلیگی نینگ ایتیشیچه، ناراض‌لیک نامه‌سی نی، مملکتی‌ده‌گی رهبرلر گه ییتیشتیریش اوچون کابل‌ده پاکستان ایلچیسی گه تحویل بیرگن.
شونده‌ی بیرحالده، شونینگدیک پاکستان تشقی ایشلر وزیرلیگی اوشبو مملکت پایتختی اسلامآبادده اسلامی امارت ایلچی‌خانه سرپرستی نی چقیرگن. اوشبو وزیرلیک بوگون بیر خبرنامه ترقه‌تیب ایتگن که اسلامآبادده اسلامی امارت ایلچی‌خانه سرپرستی نی «چیت ایل هجوم» گه تیگیشلی چقیرگن.
پاکستانی رسانه‌لر اوتگن هفته پنجشنبه کونی، پاکستانی طالبلر تحریکی هجومیده، اوشبو مملکت نینگ ۷ حربی‌سی شمالی وزیریستان‌ده هلاک بولگنی نی ایتگن ایدیلر.
باشقه بیر تاماندن، پاکستان تشقی ایشلر وزیرلیگی اوشبو خبرنامه‌ده پاکستانی طالبلر تحریکلری نینگ کوپه‌یگنی خصوصیده خواطر بیلدیرگن. خبرنامه اساسیده، پاکستان تشقی ایشلر وزیرلیگی ادعا قیلگن که، پاکستانی طالبلر تحریکی افغانستان توپراغیدن صورت تاپگن و انه شوو سبب، اوشبو واقعه عامللری بیلن جدی برخورد بولینیشی نی سوره‌گن.
بیزلرنینگ فیسبوک صحیفه‌میزگه باش اورینگ!
پاکستان تشقی ایشلر وزیرلیگی اسلامآبادده اسلامی امارت ایلچی‌خانه سرپرستی‌دن ایسته‌گن که، کابل‌دن شونده‌ی واقعه‌لردن توسیق بولیشی اوچون ایکی تامان‌لیک علاقه‌لری نینگ کوپه‌یتیریشی نی ایسته‌سین.
ایتیش کیره‌ک که، پاکستان ییل‌لردن بیری افغانستان چیگره منطقه‌لری اینیقسه کنر نینگ تومن‌لریدن قطاری گه راکتی هجوم‌لر اویوشتیرگن.