پایتخت یشاوچیلریدن قطاری نینگ ایتیشلریچه، خصوصی بانکلردن قطاری ATM ماشینلری نینگ قیته فعال بولیشی خصوصیدهگی افغانستان مرکزی بانکی نینگ قراری نی عملی قیلمهگن.
اوتگن کون افغانستان مرکزی بانکی نینگ اعلام قیلیشیچه، کابلده خصوصی بانکلردن برچهسیده ATM ماشینلری نیچه آی باغلنگنیدن کیین، قیته فعال بولهدی و یشاوچیلر اوشبو ماشیندن قولهنیشلری ممکن.
بیزلرنینگ فیسبوک صحیفهمیزگه باش اورینگ!
بیراق کابل یشاوچیلری نینگ ایتیشلریچه، بوگون خصوصی بانکلردن قطاری نینگ شعبهلری گه مراجعت قیلگنلر و یالغیز کابل بانکدن باشقه بانکلر نینگ ATM ماشینلری حاضرگچه فعال بولمهگن.
اولر نینگ اورغولشیچه، کوپینچه قیینچیلیکلر بیلن روپهرو بولگنلر و پوللرینی خصوصی بانکلردن کوپ قیینچلیکلر بیلن قولگه کیلتیرهدیلر.
کابل یشاوچیلریدن بیری احمدرشاد نینگ ایتیشیچه: «اوتگن کیچه ATM ماشینلری نینگ فعال بولیشی نی اعلام قیلدیلر، بیراق بوگون هیچ بیری فعال ایمس. مرکزی بانککه هم کیتدیم و او ییرده هم ATM ماشینلری فعال ایمس ایکن؛ یالغان ایتهدیلر.»
بوتوغریده مرکزی بانک مسئوللری نینگ فکری نی آلیش ایستهدیک، بیراق اوشبو بانک سوزلاوچیسی صابر مومند، سلام وطندار سوراقلری گه جواب بیرمهدی.