میلادی جاری ییل نینگ باش کون‌لریده اوزبیکستان‌دن افغانستان گه وارد بوله‌دیگن برق بیتیمی بیر ییل‌گچه تمدید بولگن ایدی؛ بیراق بیر هفته‌دن کیین، برق کیسیلیب و قنچه کون‌دن بیری یشاوچیلر نیازلری بولگن برققه قول تاپه آلمه‌گنلر.
عین حالده، کابل شهرنوی‌ده قهوه‌خانه‌‌لردن بیری نینگ مسئولی کونده ۳۰۰ گه یقین کیشی نی میزبان‌لیک قیله‌دی. اونینگ ایتیشیچه، برق پرچاو‌لیگی مشتری‌لری نینگ کمه‌یشی گه سبب بولگن دیر.
اونینگ کوپه‌یتیریشیچه: «کونده ۳۰۰ گه یقین کیشی نی میزبان‌لیک قیله‌من؛ لیکن برق پرچاوی‌لیگی ایشیم گه زیان ییتیشتیرگن و هیچ کیم هم قرانغی‌لیک‌ده وقتی نی اوتکزیش اوچون حاضر بولمه‌یدی.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن نیری نیک‌محمد نینگ ایتیشیچه، اوچ آی‌دن بیری برق‌لری کیچه تامان کیله‌دی.
اونینگ کوپه‌یتیریشیچه: «اوچ آی‌دن بیری برق پرچاوی‌لیگی کوپه‌یگن. بوندن آلدین شام چاغی ساعت ۶:۰۰ده برق کیلیب و ایرتنگ چاغی ساعت ۶:۰۰ کیتیدی؛ لیکن حاضر ایسه برق هیچ منظم ایمس و کیچه تامان برچه‌میز یاتگنی‌میزدن کیین ساعت ۹:۰۰ده کیله‌دی.»
شونینگدیک کابل یشاوچیلریدن باشقه بیری سهراب نینگ ایتیشیچه: «برق بوگون‌لر حیات‌ده جوده‌هم تاثیری بار و بولمه‌گنی پیتده، ایش خصوصیده سلبی تاثیر قویه‌دی و اینیقسه، قیش موسومی‌ده برق کم‌لیگی بیلن روپه‌ره میز و هیچ برقی‌میز یوق.»
عین حالده، افغانستان برق ییتکزیش شرکت مسئوللری نینگ ایتیش‌لریچه، یشاوچیلر ۷۲۵ میگاوات‌دن آرتیق برق گه احتیاج‌لری بار و اوشبو شرکت اولر نینگ نیازلریدن یالغیز ۲۲۱ میگاوات (۳۰ فایز) نی فراهم قیله آله‌دی.
برشنا مسئوللری نینگ کوپه‌یتیریش‌لریچه، برق پرچاوی‌سی نی کمه‌یتیریش اوچون اوزبیکستان رسمی‌لری بیلن صحبت اوتکزماقده‌لر.
برشنا شرکتی سوزلاوچیسی حکمت‌الله میوندی نینگ ایتیشیچه: «حاضر ایسه برشنا شرکتی رسمی‌لری اوزبیکستان دولتی بیلن مزاکره قیلماقده؛ بیراق حاضرچه هیچ قنده‌ی بیر ترقیات یوق. دولتی، کسل‌خانه‌لر و شرکت‌لر اوچون مملکت نینگ ایچکی منبع‌لریدن برق تامین‌لش خصوصیده سعی و حرکت قیلماقده‌میز.»
بیزلرنینگ توییترده هم تعقیب قیلینگ!
عین حالده، حقوقی مسئله‌لر بیلرمانی نینگ ایتیشیچه، اوزبیکستان دولتی افغانستان بیلن برق بیتیمی نی بیر تامان‌لمه شکلده ایاغ آستی قیلیش گه حقی یوق؛ بیراق بیرلشگن ملتلر تشکیلاتی تامانیدن اسلام امیرلیگی نینگ مشروعیتی بولمه‌گنی، اوشبو قیین‌چیلیک حلی اوچون هیچ بیر ایش قیله آلمه‌یشی گه سبب بولگن.
ایتیش کیره‌‌ک که، بوندن آلدین افغانستان اهالی‌سی نینگ نیازی خصوصیده‌گی ۴۳۰ میگاوات برق اوزبیکستان نینگ وارداتی برقی بیلن تامین بوله‌ر ایدی که، بیر هفته‌دن بویان کیسیلگن دیر.
حاضر یشاوچیلردن بیر قطاری، ژنراتورلردن قوللنیش بیلن ایش و اوی‌لریده نیازلری بولگن برق نی فراهم قیله آله‌دیلر؛ بیراق یشاوچیلردن کوپ قطاری نادارلیک سبب، کیچه‌لر نی ایرتنگ‌گچه قرانغو‌ده اوتکزیش خصوصیده مجبور دیر.
