غور ولایتی نینگ محلی مسئوللری و یشاوچیلریدن قطاری اوشبو ولایت نینگ اوزاق منطقه‌لری و تومن‌لریدن قطاری‌ده «عیال شفاکار و جراح» یوقلیگیدن شکایت قیلیب و ایتیش‌لریچه، کوپینچه پیت کسل‌لری نی درمان قیلیش اوچون غور مرکزی فیروزکوه شهری یا-ده قوشنی ولایت‌لر گه انتقال بیره‌دیلر.
غور یشاوچیلری نینگ اورغولشیچه، عیال شفاکار و جراح یوقلیگی و شونینگدیک درمانی مرکزلر نینگ اوزاق‌لیگی، اهالی اینیقسه عیاللر نی کوپینچه قیین‌چیلیک بیلن روپه‌ره قیلیب و درمانی مرکزلر یوقلیگی و یول‌لر نینگ اوزاق‌لیگی، کوپینچه پیت کسل‌لر نینگ اولیمی گه سبب بولگن.
غور ولایتی نینگ پسابند تومنی یشاوچیسی حفیظ‌الله نینگ سلام‌وطندار گه ایتیشیچه: «جراح یوقلیگی سبب، کسل‌لریمیز تیوره تومنی گه انتقال تاپه‌دی و بعضا انتقال تاپمه‌یدی. یو‌ل‌لرده کوپینچه قیین‌چیلیک بار. اوشبو کلینیک‌ده مسلکی داکتر یوق و بو توغریده کوپ قیین‌چیلیک بیلن روپه‌میز.»
بیزلرنینگ فیسبوک صحیفه‌میزگه باش اورینگ!
شونینگدیک دولینه تومنی یشاوچیسی محمد‌وزیر نینگ ایتیشیچه: «کلینیک‌ده جراح داکتر و عیال شفاکارلر کم‌لیگی بیلن روپه‌میز. دولینه کلینیگی‌ده عیاللر نی معاینه قیلیش اوچون عیال شفاکار یوق.»
شونده‌ی بیرحالده، غور ولایتی نینگ محلی مسئوللری و طبیات بولیمی نینگ هم‌کار نهاد‌لری، تیزلیککه اوشبو قیین‌چیلیک نینگ حل قیلینیشی نی ایسته‌گنلر.
باشقه بیر تامان‌دن، غور تومنی‌ده‌گی ساغلیق مسئوللر و شفاکارلردن قطاری، درمانی امکانیت کم‌لیگی، جراح و عیال شفاکار کم‌لیگی نی اهالی نینگ اساسی قیین‌چیلیگی عنوان قیلیب و بو توغریده توجه قیلینیشی نی ایسته‌گنلر.
بو توغریده پسابند کلینیگی مسئولی قاسم حقیقی نینگ ایتیشیچه: «مراجعه قیلووچیلر سانی کوپ دیر. بیر جراح و عیاللر بولیمی گه هم بیر شفاکار کیلگنی پیتده، قیین‌چیلیک‌لر حل بولیشی ممکن.»
شونینگدیک دولینه تومنی کیلینیگی‌ده‌گی قابله، عابده فایز نینگ ایتیشیچه: «کسل‌لردن قطاری نینگ یولی اوزاق دیر. موتر گه قول تاپه آلمه‌یدیلر. امبولانس هم یوق که کسل‌لر نینگ انتقال تاپیشی خصوصیده یاردم بیرسه.»
عین حالده، غور ساغلیق نی سقلش ریاستی مسئوللری اوشبو ولایت‌ده درمانی مرکز‌لریدن قطاری‌ده عیال شفاکار و جراح یوقلیگی نی بیان قیلگنلر. پساند تومنی حاکمی خیرالله خیرخواه نینگ ایتیشیچه: «کلینیک‌لری‌میزدن کوپ قطاری‌ده بناسی یوق، ییترلیچه دارو یوق و شونینگدیک متخصص شفاکار هم یوق. ایکی قابله بار که اولر هم اهالی نینگ قیین‌چیلیگی نی حل قیله آلمه‌یدی. محلی اداره‌‌دن پسابند تومنی‌ده ساغلیق رابطه‌لر گه جدی توجه قیلیش‌لری نی ایسته‌یمیز.»
بیزلرنینگ توییترده هم تعقیب قیلینگ!
شونده‌ی بیرحالده، غور ساغلیق نی سقلش ریاستی مسئوللری، اوشبو ولایت نینگ درمانی مرکز‌لریدن قطاری‌ده عیال شفاکار و جراح یوقلیگی نی قبول قیلیب بیراق ایتیش‌لریچه، مسلکی شفاکار و شونینگدیک درمانی مرکز‌لرده‌گی قیین‌چیلیک‌لر نینگ حل قیلنیشی اوچون سعی و حرکت قیلماقده‌لر.
غور ساغلیق نی سقلش ریاستی اورین‌باسری عبدالاحمدنوری نینگ ایتیشیچه: «گرچند غور ساغلیق نی سقلش ریاستی وزیرلیککه نیچه مرته پیشنهاد‌لر بیرگن که، جمله‌دن دولینه، پسابند و مرغاب تومنی‌ده نیچه کیلینیک توزته‌تیلیشی و عیال شفاکارلر کیلیشی و جراحی خذمت‌لر نینگ تیزلیککه باشلنیشی. قیغو بیلن حاضرگچه ساغلیق نی سقلش وزیرلیگی سیناو آلگنی یوق. قیزلردن سیناو آلینمه‌گنی اوچون، ولایتی کسل‌خانه‌لر و شونینگدیک تومن‌لرده‌گی کسل‌خانه‌لرده عیال شفاکار کم‌لیگی بیلن روپه‌ره‌میز.»
غور ساغلیق نی سقلش مسئوللری نینگ معلوماتی اساسیده، اوشبو ولایت نینگ ولایتی کسل‌خانه‌سیده ایکی عیال شفاکار فعالیت قیله‌دی که، اولر هم مذکور ولایت‌ده‌گی برچه کسل عیاللر نینگ قیین‌چیلیگی نی حل قیله آلمه‌یدیلر.
