افغانستان خاتین‌قیزلر نماینده‌لیگیدن اسلو ییغینیده شرکت قیلگن عیال حقوقی فعال‌لری‌دن قطاری، مملکت‌ده دموکراسی نینگ قیته کیلیشی و همه تامانلمه سیاسی پروسه‌سی نینگ ایجاد بولیشی نی سوره‌گنلر.
عیال حقوقی فعالی و اسلو یغینیده اشتراک ایتکن عیال اعضالریدن بیری شاه‌گل رضایی توییتر صحیفه‌سیده یازگن که، مملکت نینگ حاضرگی وضعیتیدن اوتیش و افغانستان نینگ قیته دموکراسی گه باریشی اوچون، شخصی صحبت‌لر گه علاوه، قوشمه فکر صفتیده بیر طرح اوشبو ییغینده دنیا مملکت‌لری نینگ خاص نماینده‌لری و اسلامی امارت گه ارایه بولگن.
اونینگ بیان قیلیشیچه، دنیا افغانستان‌ده همه تامانلمه سیاسی جریاندن حمایت قیلیب و اونینگ تطبیق قیلیشیده افغانستان اهالی نینگ یانیده توریشی کیره‌ک. اونگه کوره، دموکراسی اوچون یول آچیش و اهالی نینگ اراده‌سی گه اساس حکومت ایجاد قیلیش اوچون حاضرگچه فرصت‌لر بار.
شاه‌گل رضایی اسلو ییغینده مطرح قیلگن بیانه‌سیده، قیزلر نینگ تعلیمی، انسان حقوقی، مدنی ایرکین‌لیک و یشاوچیلر نینگ حقوقی و اولر نینگ تقدیری تعینله‌نیشینی دنیا شمول ارزش‌لردن دیب ایتیشیچه، دنیا اولکه‌لری افغانستان خلقی‌نی قوللب قوتلش اوچون لازم امکانیت لردن فایده لنیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلو ییغینیده عیاللر نماینده‌لریدن باشقه بیری محبوبه سراج، میدیالر بیلن اوتکزگن صحبتیده ایتیشیچه، اسلامی امارت هیأتی اولر نینگ بیانات‌لر ی‌گه قولاق سالگن؛ بیراق اولر نینگ ایسته‌کلری‌نی عمل گه آشیریلیشی اوچون تعهد بیریلمه‌گن.
سراج نینگ کوپه‌یتیریشیچه، اسلامی امارت نینگ بیرگن وعده‌لری سوز و عمل‌ده فرقلی بولسه، عمومی ایشانچ‌لرینی قولدن بیره‌دیلر. او اسلامی امارت تامانیدن اعتراضچی عیاللر نینگ قولگه آلینگنی خصوصیده تاکیدلب ایتیشیچه، بو موضوع‌دن منکر بولگن صورت‌ده اوروش جنایت‌لری حسابلنه‌دی.
شونینگدیک اعتراضچی عیاللر نینگ قماقدن قوییب یوباریلیشی اسلو ییغینیده اعتراضچی عیاللر نماینده لری هدا خموش نینگ بیرینچی ایسته‌کی ایکن. گزارشلر اساسیده، او مذکور ییغینده بیانیه‌سی نی مطرح قیلمه‌گنیدن آلدین، اسلامی امارت تشقی ایشلر وزیرلیگی سرپرستی‌دن کابل‌ده رسمی‌لر بیلن تماس آلیب و اوغیرلنگن اوچ عیال نینگ عاجل قوییب یوباریلیشی نی سوره‌گن.
قیزلر مکتبی آچیلیشی، جماعه‌ده عیاللر گه برابر حق بیریلیشی، اسلامی امارت نینگ سیاست‌لری و ایشلری کوزه‌تیلیشی اوچون باصلاحیت و مستقل بیر کینگش ایجاد بولیشی و شونینگدیک اهالی اراده‌سی اساسیده مشروع نظام تشکیل بولیشی خموش نینگ باشقه ایسته‌کلریدن ایدی.
ناروی میزبانلیگیده اسلو ییغینی، یک‌شنبه کونی اسلامی امارت هیأتی و افغانستان مدنی فعال‌لری و سیاسی سیما‌لریدن قطاری نینگ شرکتی بیلن آمریکا، بریتانیا، فرانسه، ایتالیا و اروپا بیرلشمه‌سی نینگ حضوری بیلن باشلندی. شونینگدیک اسلامی امارت هیأتی و مملکت‌لر نماینده‌لری آره‌سیده‌گی اوچره‌شوولر نینگ بوگون هم دوامی بار.
شونینگدیک مذکور ییغین رسانه‌لر نینگ حضوری بولمسدن صورت تاپگن. اوشبو ییغینده افغانستان نینگ حاضرگی انسانی فاجعهسی گه یتیشیش و انسان حقوقی نی تامین‌لش، دنیا جماعه نینگ ایسته‌کلریدن دیر. بیراق اسلامی امارت اقتصادی موضوع‌لر و آمریکا تامانیدن افغانستان نینگ موزلنگن سرمایه‌لر نینگ آچیلیشی گه تاکید قیلگن.
بیزلرنینگ توییترده هم تعقیب قیلینگ!
شونده‌ی بیرحالده، اسلو ییغینی گه اسلامی امارت هیأت نی دعوت قیلینگنی، ناروی‌ده و بعضی اروپایی مملکت‌لرنینگ اعتراضلری بیلن روپه‌رو بولگن. اعتراضچیلر نینگ ایشانچ‌لریگه کوره، شونده‌ی ییغین‌لرده اسلامی امارت نینگ دعوت قیلینیشی، اولر نینگ حکومتلری گه مشروعیت بیریش دیر، بیراق ناروی رسمی‌لری نینگ اورغولشیچه، اوشبو ییغین افغانستان فاجعهسی نی حل قیلیش اوچون یولگه قویلگن و اسلامی امارت نی رسمیت گه تانیش معناسی گه ایمس.
اسلو ییغینی عیال نماینده‌لری نینگ شرکتی بیلن صورت تاپگن بیرحالده، افغانستان اسلامی امارت قدرت گه ایریشگنیدن کیین، عیاللر و قیزلر کوپینچه چیکلاولر بیلن روپه‌رو بولیب و تعلیم و ایش حقیدن محروم قالگنلر. عیاللر گه چیکلاولر یره‌تیلیشی اولر نینگ اعتراضلری گه سبب بولیب و بو اعتراضچیلر اسلامی امارت کوچلر نینگ زوروانلیککلر بیلن روپه‌رو بولگن.
ینگی‌لیکده ترقه‌لگن گزارشلر اساسیده، اعتراضچی ایکی عیال اسلامی امارت کوچلری تامانیدن اوی‌لریدن چیقاریلیب حبس‌گه آلینگن.گرچند اسلامی امارت بو ادعالر نی رد قیله‌دی، لیکن اسلامی امارت سوزلاوچیسی ذبیح‌الله مجاهد فرانسه خبرگزارلیگی بیلن اوتکزگن اوچره‌شووده ایتیشیچه، اسلامی امارت مخالف‌لر و قانون گه قرشی بولگن کیشیلر نی قول گه آلیش اوچون حقی بار.
عین حالده، افغانستان بوییچه بیرلگشن ملتلر تشکیلاتی باش کاتبی نینگ خاص نماینده‌سی دیبرا لاینز، اوتگن کون اسلامی امارت ایچکی ایشلر وزیرلیگی سرپرستی سراج‌الدین حقانی بیلن اوتکزگن کوریشووده، اوشبو اعتراضچی مدنی فعال‌لر نینگ قوییب یوباریلیشی نی سوره‌گن.
