هر کونی مشق قیلیش نهفقط عمومی ساغلیق اوچون بلکه خوفلی اوسیمته (تومور)لر گه قرشی کورهشیشده هم مهم اهمیت گه ایگه. بو حقده امریکانینگ کلینیک آنکولوژی جمعیتی (ASCO) تامانیدن اۉتکزیلگن کینگ کولملی تدقیقات نتیجهلری آرقهلی معلوم بولهدی. گاردین نشری خبر بیریشیچه، عالملر جسمانی مشغولاتلرنینگ سرطانی بار بیمارلر گه تأثیرینی علمی جهتدن تصدیقلشگه موفق بولیشگن.
تدقیقاتده تورلی مملکتلردن – امریکا، بریتانیا، فرانسه، کانادا، آسترالیا و اسرائیلدن جمعی ۸۸۹ نفر یوغون ایچک سرطانی بیلن کسللنگن بیمار اشتراک اېتگن. قتنشچیلرنینگ ۹۰ فایزی اوچینچی باشقیچدهگی سرطان بیلن کسللنگن اېدی، یعنی بو باسقیچده کسللیک خوفی یوقاری بولهدی. اولر تصادفی طرزده ایکّی اساسی گروه گه اجرهتیلدی.
بیرینچی گروهدهگی بیمارلر فقط عمومی اخبارات و توصیهلرنی آلگن بولسه، ایکّینچی گروهدهگی اشتراکچیلر اوچون علیحده مربی تامانیدن مخصوص دستور ایشلب چیقیلدی. بو دستور گه کوره، بیمارلر آیی گه ایکّی مرته متخصص بیلن بیواسطه شغللنگن، کېین اېسه بیر مرته نظری و عملی یاردم آلیشگن. مشغولاتلر اساسن هفتهسیگه ۳-۴ مرته ۴۵-۶۰ دقیقه دوامیده منتظم یوریشنی اۉز ایچیگه آلگن بولسه-ده، اشتراکچیلر اۉز ایستهگیگه کوره، یوکلمهلر تورنی هم اۉزگرتیریش امکانیگه ایگه بولیشدی. اولر آرهسیده چنغی (ایسکی) سپورتی، یوگوریش و بایسکلده حرکتلنیش کبی تورلی سپورت تورلری هم بار اېدی.
بیزلرنینگ فیسبوک صحیفهمیزگه باش اورینگ!
تدقیقاتنینگ نتیجهلری حیرتلنرلی درجهده ایجابی بولیب چیقدی. جسمانی فعال حیات طرزینی تنلهگن بیمارلرده بیش ییل اوتگچ سرطاننینگ قیتهلنیشی یا که ینگی اوسیمته (تومور) پیدا بولیش خوفی بیرینچی گروهدهگی بیمارلر گه نسبتن ۲۸ فایز کمهیگن. سکیز ییللیک کوزهتوو نتیجهلری اېسه ېنهده یارقینراق بولیب چیقدی:
جسمانی فعال گروهده اولیم حالتی نظارت گروهی گه قرهگنده ۳۷ فایز گه کمراق بولگن.
بریتانیا ملی ساغلیقنی سقلش خذمتی رهبری ستیوین پاویس تدقیقات نتیجهلری گه بها بیرر اېکن، جسمانی فعاللیک آرقهلی نهفقط وزننی نظارت قیلیش، بلکه ایمننی مستحکملش، ییلیغلنیش جریانلرینی کمهیتیریش و انساننینگ عمومی ساغلیغینی یخشیلش ممکنلیگینی علیحده قید اېتدی. اونینگ فکریچه، ساغلام تورموش طرزی کسللیکنینگ قیته رواجلنیشی خوفینی سیزیلرلی درجه ده پسهیتیرهدی.
بیزلرنینگ «ایکس» ترماغی ده هم تعقیب قیلینگ!
ASCO طبی مصلحتچیسی جولیا جیرلاونینگ تأکیدلشیچه، شو کونگه قدر مشقلرنینگ سرطان بیلن کسللنگن بیمارلر اوچون فایدهلی ایکنلیگیگه عاید علمی تصدیقلنگن معلوماتلر ییترلی اېمس اېدی. بو تدقیقات آرقهلی اېسه بیرینچی مرته جسمانی مشقلرنینگ اوته ثمرهلی ایکنلیگی اثباتلندی. شو بیلن بیرگه، او بعضی حاللرده داری-درماندن هم یخشیراق نتیجه بیریشی ممکن و بو اصولنینگ سلبی تأثیری یوقلیگی اونی ېنهده قیمتلی قیلهدی.
شفاکارلرنینگ اوشبو خلاصهلری سرطان کسللیگیگه چلینگن بیمارلر اوچون کتّه امید و ینگی امکانیتلر ایشیگینی آچیشی ممکن. عالملر و طبیات متخصصلری اېسه اېندی بو کبی تدقیقاتلرنی ېنهده کېنگهیتیریش و عملیات گه کېنگراق جاری قیلیش بوییچه ایشلرنی دوام اېتّیریشنی ریجهلشتیرماقده. بو اېسه میلیونلب انسانلر گه حیات صفتی و عمر اوزاقلیگینی یخشیلش امکانینی بیریشی ممکن.
