افغانستان ایرکین میدیالریدن حمایت قیلووچی نهاد یا-ده نی، طالبان گروهیدن تینچ‌اهالی اینیقسه خبرچیلر و رسانه فعاللریگه قرشی هجوم‌لرنی توخته‌تیش نی سوره‌گن.
افغانستان ایرکین میدیالریدن حمایت قیلووچی نهاد بوگون (دوشنبه ۱۶- حمل) بیر خبرنامه ترقه‌تیش بیلن انسان حقلری ایرکین کمیسیونی نینگ اعلامیه‌سیگه اشاره قیلگن کیم مذکور اعلامیه گه کیلیشیچه، طالبان قورقینچ ایجاد قیلیش اوچون خبرچیلرنی قصدی شکلده هدف قرار بیره‌دی.
نی نینگ خبرنامه‌سی اساسیده، مذکور نهاد بوندن آلدین هم خبرچیلرنی ترور ایتیلیشی توغریسیده نیچه مرته اوز خواطرلرینی مطرح قیلگن و انسان حقلری نی کوزه‌تووچی اداره نینگ اعلامیه‌سی، نی و رسانه جامعه‌سی نینگ خواطرلرینی تصدیقله‌یدی.
افغانستان ایرکین میدیالریدن حمایت قیلووچی نهاد خبرچیلر، رسانه فعاللری و اولرنینگ عایله اعضالری قتل ایتیلیشی نی ملی قانونلر و خلق‌ارا اصول‌لرگه قرشی دیب و اورغولشیچه، خبرچیلر و رسانه فعاللری نینگ اولدیریلیشی اوروش جنایتی و شونینگدیک بشر گه قرشی جنایت سنله‌دی.
ایتیش کیره‌ک کیم خبرچیلر اوتگن ییل کوپینچه ریجه‌لنگن ترورلر بیلن روپه‌رو ایدیلر. رسانه‌لردن حمایت قیلووچی نهاد نینگ معلوماتی اساسیده، اوتگن ییل افغانستان رسانه‌لری اوچون قانلی بیر ییل ایدی. مذکور نهاد نینگ آمارلری اساسیده، اوتگن ییل افغانستان ده تورلی هجوم‌لرده رسانه ایشلاوچی‌لریدن ۱۱ ته‌سی هلاک ایتیلگن.
