رئال مادرید و آتالانتا تیرمه جماعه‌لری، اروپا سوپر کپی ده بیلله‌شه دیلر. اوشبو مسابقه بوکیچه (۲۴-اسد، چهارشنبه) پولند نینگ «ورشو شهری» ده افغانستان وقتی بیلن ساعت ۱۱:۳۰ ده یولگه قوییلیشی ریجه‌لشتیریلگن.
فرانسه‌لیک فوتبال یولدوزی کیلیان امباپه ینگی‌لیکده رئال مادرید کلوبی گه قوشیلگن، ایلک رسمی اوینینی اۉتکزیشی کوتیله‌دی.
بیزلرنینگ فیسبوک صحیفه‌میزگه باش اورینگ!
اسپانیا نماینده‌سی رئال مادرید اروپا سوپر کپی ده بیش مراتبه قهرمان بولگن و عکسینچه ایتالیا نماینده‌سی آتالانتا هېچ قچان بو یوتوق نی قولگه کېلتیره آلمه‌گن.
رئال مادرید بوندن آلدین سکیز مراتبه اروپا سوپر کپی ده حضوری بولیب و بیش مراتبه قهرمان بولگن و آتالانتا بیرینچی مراتبه اروپا سوپر کپی ده حضور تاپگن.
رئال مادرید تیرمه جماعه‌سی ۲۰۰۲، ۲۰۱۴، ۲۰۱۶، ۲۰۱۷ و ۲۰۲۲-ییل‌لرده اروپا سوپر کپی قهرمانی بولگن.
بیزلرنینگ «ایکس» ترماغی ده هم تعقیب قیلینگ!
بو ایکّی جماعه اروپا مسابقه‌لریده حاضرگه قدر ایکّی مراتبه بیر-بیری بیلن قرشی‌لشگن و ایکیله مراتبه رئال مادرید غلبه قازانگن.
رئال مادرید، بارسلونا و میلان اروپا سوپر کپی ده بیش مراتبه قهرمان بولگن جماعه‌لر دیر و بو کیچه رئال مادرید غلبه قازانگن حالده، بو رقابت‌‌لر نینگ اېنگ یخشی جماعه‌سی اوله‌راق تانیلیشی ممکن.
