اوتگن کون ایچکی ایشلر وزیرلیگی سوزلاوچیسی طارق آرین، خصوصی رسانه‌لردن بیری پارتلش ماده نینگ انتقال بیریلیشی گه قولی بارلیگی نی ادعا قیلیب و بو توغریده تیکشیروولرنینگ دوامی بار دیدی.
ایچکی ایشلر وزیرلیگی سوزلاوچیسی نینگ بو ادعاسی، رسانه‌لردن حمایت قیلووچی نهادلر و خبرچیلرنینگ جدی عکس‌العمل‌لریگه روپه‌رو بولگن.
افغانستان ایرکین میدیالریدن حمایت قیلووچی اداره یا-ده «نی» اجرایی باشلیغی مجیب خلوتگر بو توغریده آچیق تفصیلات بیریلیشی نی سوره‌ب ایتیشیچه، جناب آرین نینگ بیاناتی نی کوپینچه تدقیقات گه احتیاجی بار.
جناب خلوتگر نینگ اورغولشیچه، ایچکی ایشلر وزیرلیگی نینگ خصوصی رسانه‌لردن بیری آرقه‌لی پارتلش ماده انتقال بیریلیشی توغریسیده ایشانچی بولگن صورتده، رسانه نینگ آتی نی فاش قیلیشی کیره‌ک، بولمه‌گنده امنیتی نهادلر بیلن رسانه‌لرنینگ آره‌سیده‌گی علاقه‌لرگه ضرر ییتیشه‌دی.
شونینگدیک خبرچی‌لرنی سقلش کمیته بیر خبرنامه آرقه‌لی، رسانه نینگ آتی فاش ایتیلمسدن بونده‌ی بیر موضوع بیان ایتیلیشی نی خواطرلی دیب ایتیشیچه، جناب آرین نینگ بیاناتی هر تامانلمه ایمس و بو وزیرلیک معلومات ترقه‌تیش گه دقت قیلیشی کیره‌ک.
بیراق ایچکی ایشلر وزیرلیگی بو عکس‌العمل‌لر حقیده ایتیشیچه، جناب آرین نینگ ادعاسی توغریسیده تیزلیککه رسانه‌لرگه معلومات شریک قیلینه‌دی.
