کابل شهری نینگ پل‌‍سرخ منطقه‌سیده ایشلاوچی باله‌لردن ۱۲ یاشر سمیر و ۱۴ یاشر راشد نینگ ایتیشلریچه، ایرته‌لب دن آخشم‌گچه تیر توکیب ایشلسه‌لرده، بیراق هییت بیرمی ده ینگی کییم توزه‌ته آلمه‌گنلر.
ایشلاوچی باله سمیر گه کوره: «نه کییم و نه‌هم بوت آلگنمن؛ اوی ده حتا میوه آلگنیمیز یوق، هر کونی بوت رنگ‌لب ۱۰۰ و ۱۵۰ افغانی ایشله‌ی من.»
شونینگدیک، کابل شهری ده ایشلاوچی باله‌لردن باشقه بیری راشد نینگ ایتیشیچه: «هییت سوداسینی آلیش گه توانیمیز یوق، آلدین هیچ بولمسه کییم توزه‌تر ایدیک؛ هر کونی ۸۰ و ۹۰ افغانی ایشله‌ی من، بو پول گه اوی اوچون نان و باشقه نرسه آلیب باره‌میز، باشقه چاره نیمه؟»
بیزلرنینگ فیسبوک صحیفه‌میزگه باش اورینگ!
کابل شهری نینگ باشقه چیکه‌سیده کیکسه بادام‌خان و رحمت‌الله، کراچی‌‌لری بیلن ایش گه مصروف ایتیشلریچه، هییت بیرمی کون‌لریده دسترخوان‌لرینی بیزه‌لتیریش توان‌لری یوق دیر.
بادام‌خان گه کوره: «تیارلیک آلگنیمیز یوق، یشاوچیلر نینگ پولی یوق، برچه نرسه پول دیر ایش یوق، قوروق و تازه میوه قیمت، آلمه و کینو جوده هم قیمت دیر هیچ کیم‌نی آلیش توانی یوق، بیر کیلو پسته ۱۱۰۰ و بیر کیلو بادام ۸۰۰ افغانی دیر، مه‌ییز و کییم_کیچک هم شو قسم دیر.»
شونینگدیک، رحمت‌الله نینگ ایتیشیچه: «حقیقتی هیچ نرسه آلگنیمیز یوق، ایش یوق، بیران نرسه آلیش اوچون پولیمیز یوق، سابق هییت بیرمی گه ۱۰ کون و ۲۰ کون قالسه تیارلیک کورر ایدیک، اوی ده اوچ کسلیم بار، حاضر هر کونی ۳۰۰ افغانی ایشله‌ی من او هم مصرف بوله‌دی.»
کابل شهری افشار منطقه‌سی یشاوچیلریدن صدرا گه کوره، خاتین قیزلر گه چیکلاو یره‌تیلیشی بیلن او بیکار بولگن و سابق‌لر کبی هییت‌لیک دسترخوانینی بیزه‌لتیریش توانی یوق دیر.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «اوزیمنی وظیفه‌م بار ایدی، بیراق اسلام امیرلیگی حاکمیتیدن کیین ایش گه باره آلمه‌دیم، حاضر هیچ درآمد منبعیم یوق، هییت اوچون قنده‌ی تیارگرلیک کوره‌ی؟»
اولکه یشاوچیلری، بوش دسترخوان بیلن عین‌حالده هییت بیرمینی کوتیب آلماقده‌لر که، بوندن آلدین میوه ساتووچیلر و دکاندارلر سودالری یوق‌لیگیدن شکایت قیلگن ایدیلر.