ایران جمهوررئیسی ابراهیم رئیسی نینگ ایتیشیچه، افغانستان نینگ قوشنی مملکت‌لری افغانستانده همه‌شمول حکومت ایجاد بولیشی اوچون مذکور مملکت نینگ یشاوچیلری، سیاسی و قومی گروه‌لری گه یاردم‌بیریش‌لری کیره‌ک.
ایران جمهوررئیسی قطر امیری تمیم بن حمد آل‌ثانی بیلن قوشمه خبری بیر ییغین‌ده اورغولشیچه، افغانستانده همه‌شمول حکومت ایجاد بولمه‌گن صورت‌ده، ناتینچ‌لیک بو مملکت گه قیته کیلیشی ممکن.
بیزلرنینگ فیسبوک صحیفه‌میزگه باش اورینگ!
مذکور ییغین‌ده رئیسی نینگ کوپه‌یتیریشیچه، قطر امیری منطقه‌یی مسله‌لر اینیقسه ترورچیلیککه قرشی کوره‌ش، افغانستان سیاسی وضعیتی و مخدره ماده گه قرشی کوره‌ش خصوصیده صحبت اوتکزگنلر. اونینگ اورغولشیچه، ترورچیلیککه قرشی کوره‌ش تهران و دوحه نینگ اولویت‌لریدن دیر.
شونینگدیک بوندن آلدین، ایران رسمی‌لری و مملکت‌لردن قطاری افغانستانده همه‌شمول حکومت تشکیل بولیشی اوچون نیچه مرته تاکید قیلگن ایدیلر. بیراق اسلامی امارت نینگ ایتیشیچه، حاضرگی حکومت همه‌شمول دیر و برچه قوم‌لر نینگ نماینده‌لری بو حکومت‌ده شامل دیر.
بیزلرنینگ توییترده هم تعقیب قیلینگ!
شونده‌ی بیرحالده، افغانستانده اسلامی امارت حکومتی نینگ قدرت گه ایریشگنیدن کمیده ۶ آی اوتگنی بیلن، حاضرگچه هیچ بیر مملکت اوشبو حکومت نی رسمیت گه تانیمه‌گن. اوشبو حکومت نینگ رسمیت گه تانیلیشی اوچون همه‌شمول حکومت ایجاد بولیش و انسانی حقوق نینگ تامین‌لنیشی دنیا جماعه نینگ شرطلریدن دیلگن.
