مملکت نینگ ولایت حاکم‌لری بیلن اوچره‌شگن اسلامی امارت رهبری هبت‌الله آخوندزاده، اهالی تامانیدن توزه‌لگن قانون_قاعده عملی بولمسلیگینی بیلدیردی.
اسلامی امارت سوزلاوچیسی ذبیح‌الله مجاهد نینگ ترقه‌تگن بیانیه اساسیده، اوتگن کون (چهارشنبه، ۵ اسد) هبت‌الله آخوندزاده قندهار ده ولایت حاکم‌لری بیلن اوچره‌شگن.
بیزلرنینگ فیسبوک صحیفه‌میزگه باش اورینگ!
جناب آخوندزاده گه کوره، اسلامی امارت حکومتیده «یالغیز الله نینگ حکمی عملگه آشیریله‌دی و برچه مشکل‌لر شریعت چارچوبه‌سیده حل ایتیله‌دی و شونینگدیک برچه قرارلر شرعیت اساسیده آلینه‌دی.»
بیانیه اساسیده، اسلامی امارت رهبری ولایت حاکم‌لری گه تیلنچی عیاللر نینگ قیینچیلیگی حلی اوچون اولر گه معاش تعین قیلیشنی بویرگن.
اونینگ کوپه‌یتیریشیچه، ولایت حاکم‌لری مالیه‌وی امکانیت‌سیزلیک باعث، تیلنچی عیاللر گه معاش تعین قیله آلمه‌گن تقدیرده، اونگه تانیشتیریشینی سوره‌گن.
بیزلرنینگ توییترده هم تعقیب قیلینگ!
اسلامی امارت ییتکچیسی ولایت والی‌لری گه، سابق حربی‌لر نینگ یتیم‌لری گه یاردم بیریش بویروغینی بیرگن. اونینگ ایتیشیچه: «سابق حربی‌لر نینگ یتیم‌لری گه یاردم بیرینگیزلر، چونکه اولر ملت بیر بولیمی و سیزلرنینگ رعیت‌لرینگیز دیر، اولر بیلن شفقت قیلینگیزلر، تعصب و قوم پرست‌لیککه چیک قوینگیزلر.»
