اسلام امیرلیگی رهبری شیخ هبت‌الله آخوندزاده، رمضان هییت بیرمی مناسبتی بیلن بیر پیام آرقه‌لی، برچهدن افغانستان اهالی‌سی‌نینگ ارزشلری‌گه حرمت قیلیب و بو مملکت ایچکی مسئله‌لری‌گه اره‌لشمسلیکلری‌نی ایستهگن.
اسلام امیرلیگی رهبری‌نینگ اوتگن کون (۷-حمل، پنج‌شنبه) ترقه‌تیلگن بو پیامیده کیلیشیچه: «برچهدن افغانستان اهالی‌سی‌نینگ ارزشلری و عقیده‌لری‌گه حرمت قیلیشلری، ایچکی مسئله‌لری‌میز گه اره‌لشمه‌سلیک‌لری و ثبات، امنیت و ترقیاتی‌میز‌گه توسیق بولمه‌سلیک‌لرینی ایسته‌میز.»
بیزلرنینگ «ایکس» ترماغی ده هم تعقیب قیلینگ!
هبت‌الله آخوندزاده‌نینگ ایتیشیچه، اسلام امیرلیگی «اسلامی برادرلیک اساسیده، اسلام دنیاسی بیلن یخشی و مستحکم مناسبت‌لری بولیشی» نی سوره‌یدی. اونینگ کوپه‌یتیریشیچه، اسلام امیرلیگی باشقه مملکتلر بیلن قاعده-قانون گه تینگ، «یخشی و فایده‌لی مناسبت‌لر» گه ایگه بولیش‌‌نی ایسته‌یدی.
اسلام امیرلیگی رهبری، اوشبو پیامی‌نینگ بیر بولیمی‌ده، فلسطین مسئله‌سی حقیده صحبت قیلیب و اورغولشیچه، «فلسطین قضیه‌سی، بوتون اسلام دنیاسی قضیه‌سی دیر.» اونینگ بیان قیلیشیچه، اسلام امیرلیگی «فلسطین‌نینگ مظلوم خلقی» گه اسرائیل آرقه‌لی اویوشتیریله‌دیگن هجوم‌لرنی جدی بیر شکلده قاره‌لب و اونی «بویوک ظلم» اته‌گن.
بیزلرنینگ فیسبوک صحیفه‌میزگه باش اورینگ!
هبت‌الله آخوندازده‌نینگ هییت بیرمی پیامیده یازیلیشیچه: «فلسطین‌نینگ مظلوم خلقی‌گه اسرائیل آرقه‌لی اویوشتیریله‌دیگن دهشت‌لی هجوم‌لر و بمباردمان‌نی جدی شکلده قاره‌له‌یمیز و اونی بویوک دهشت و ظلم بیله‌میز. فلسطین خلق‌نینگ مشروع ایسته‌کلری‌دن حمایت قیله‌میز و باشقه اسلام دنیاسی مملکت‌لری‌دن کوچلری ییتیشگونگه قدر فلسطین‌لیک‌لرنی قوللب-قوتلشلرینی سوره‌یمیز که اولر‌نینگ غصب بولگن حق‌لری قیته آلینسین، اسرائیل‌نینگ ظلمی‌دن آزاد بولسین‌لر و او ییرده‌گی ظلم یکون‌لنسین.»
اسلام امیرلیگی رهبری، یشاوچیلر‌دن «کمبغل و نیازمند اهالی» نینگ اونوتمسلیک‌لرینی سوره‌گن.
