۱۳-فبروری بیرلشگن ملتلر تشکیلاتینینگ اوقیش، بیلیم و مدنیت تشکیلاتی (یونسکو) تامانیدن، رادیو کونی اولهراق مسما بولگن.
افغانستانده رادیولر مالی منبع، ملَکهلی بشری منبع و معلومات گه قول تاپه آلمسلیک قیینچیلیگی بیلن روپهره بولگن بیرحالده، دنیا مقیاسیده بوکوندن نشانلنماقده.
خوست ولایتیده محلی رادیو مسئولی زاهدشاه انگار و تخارده محلی رادیو مسئولی محمدحسن قدرتی سلاموطندار بیلن اوتکزگن صحبتلریده، مملکتده سیاسی توزوم اۉزگرگنیدن کېین، رادیولر تورلی قیینچیلیک بیلن روپهره بولگنینی اېتهدیلر.
افغانستان خبرچیلر مرکزی، خلقارا رادیو کونی مناستبی بیلن ترقهتگن بیانیهسیده، افغانستانده رادیولر مثلسیز چېکلاولر بیلن دوچ بولگنینی معلوم قیلگن. اوشبو مرکز گه کوره، اوتگن بیر ییلده چمهسی ییتّی رادیو مستقیم بویروغ یا-ده یرهتیلگن چېکلاولر باعث یاپیلگن.
بیزلرنینگ فیسبوک صحیفهمیزگه باش اورینگ!
افغانستان آزاد ژورنالیستلر اتفاقی باشلیغی حجتالله مجددی گه کوره، رادیولردن کوپینچهسی مالی قیینچیلیک و معلومات گه قول تاپه آلمسلیک کبی قیینچیلیکلر بیلن روپهره دیر.
اخبارت و مدنیت وزیرلیگی سۉزلاوچیسی خبیب غفران، بو وزیرلیک آزاد یېتکرمهلر اینیقسه رادیولرنی قۉللب-قوتلش گه متعهد دیر.
اونینگ کوپهیتیریشیچه، اسلام امیرلیگی قدرتنی آلگنیدن کېین، مملکت بویلب ۳۳ ینگی رادیو ایشیتّیریش گه باشلهگن.
سۉنگی ایکّی دههدن کوپراقده، اونلب تلویزیون، رادیو و آژانسلر فعالیت گه باشلهدی؛ بیراق رادیو حاضر گه قدر خلق اورتهسیده محبوبیت گه ایگه بولیب و کوپینچه طرفداری بار.
بیزلرنینگ «ایکس» ترماغی ده هم تعقیب قیلینگ!
یېتکرمه ایش بیلرمانلریدن محمدبشیر هاتف و عبدالله رحمانی گه کوره، افغانستانده یېتکرمهلر اورنیگه اشاره قیلیب ایتیشلریچه، سۉنگی ییللرده رادیولر تعلیم و تربیه دستورلری بیلن جمعیتده سیزیلرلی رول اوینهگنلر.
بیرلشگن ملتلر تشکیلاتینینگ اوقیش، بیلیم و مدنیت تشکیلاتی (یونسکو)نینگ ایتیشیچه، تکنالوژی دنیاده کېنگ کولمده رواجلنگن بیرحالده، رادیو ایشانرلی یېتکرمه اولهراق، ایکّینچی عصرده همان ایشیتّیریش گه دوام بیرماقده دیر.
