بلخ‌ده «آزاد رادیوسی» مسئوللری، اوشبو یېتکرمه قریب ۱۰ ییل‌دن کېین ایشیتّیریشینی توخته‌تگنینی تصدیقله‌گنلر.
آزاد رادیوسی مسئولی منیراحمد بهیرنینگ سلام‌وطندار گه ایتیشیچه، بو رادیونینگ نشراتی اقتصادی قیینچیلیک و مالی قۉللب-قوتلنمسلیک طفیلی توخته‌گن.
بیزلرنینگ فیسبوک صحیفه‌میزگه باش اورینگ!
بهیرنینگ کوپه‌یتیریشیچه، مذکور یېتکرمه نشراتی توخته‌لیشیدن سۉنگ، عیاللر شامل چمه‌سی ۱۰ ایشلاوچیسی بیکار بولگنلر.
آزاد رادیوسی مسئولی، یېتکرمه‌لر قۉللب-قوتلنیشی گه تأکیدلب ایتیشیچه: «تورلی ساحه‌لرده فعالیتی بار اېدی، قریب ۱۰ ییل‌دن کېین اېشیتّیریشینی توخته‌تگن. حکومت و یېتکرمه‌لرنی قۉللب-قوتلاوچی نهادلر مالی حمایت قیلگن حالده، ایشیتّیریشنی قیته‌دن باشله‌یمیز.»
بلخ‌ده‌گی خصوصی محلی رادیولرنینگ مسئوللری، برق نرخی یوقاریلیگی و تجاری ریکلاملر یوق‌لیگی، اوتمیش گه نسبتن فعالیت‌لری کمه‌یشی گه سبب بولگنینی معلوم قیله‌دیلر.
بیزلرنینگ «ایکس» ترماغی ده هم تعقیب قیلینگ!
بلخ‌ده «کلید رادیوسی» مسئولی احمدالله استانکزی، یېتکرمه‌لر قیینچیلیک‌لری حل اېتیلیشی گه تأکیدلب ایتیشیچه: «بیز دولت و یېتکرمه‌لرنی قۉللب-قوتلاوچی نهادلردن اېسته‌یمیز امکانیت یره‌تیش بیلن یېتکرمه‌لرنی حمایت قیلسین‌لر.»
شو بیلن بیرگه، بلخ معلومات و مدنیت باشلیغی محمودالله ضرار، یېتکرمه‌لرنینگ قیینچیلیک‌لری و تشویش‌لرینی مرکزده حکومت مسئوللری بیلن شریک قیلگنلریدن ایشانچ بیلدیره‌دی.
حاضرگی کونده، بلخ ولایتیده ۱۰ رادیو، ایکّی تلویزیون و باشقه اوچ چاپی یېتکرمه فعالیت قیلماقده‌لیگی اېتیله‌دی.
