قندوز ده عیاللردن قطاری ساچلری نینگ وقتدن آلدین آقریشی‌دن خواطر بیلدیریب ایتیشلریچه، وراثت، دارو قوللنیش و روحی قیینچیلیکلر سبب، ساچلری وقتدن آلدین آقرگن. قندوز یشاوچیسی بولمیش ۲۵ یاشر سمیرا نینگ ایتیشیچه، روحی قیینچیلیکلر بیلن روپه‌ره بولگنی سبب، ساچلری وقتدن آلدین آقرگن.
اونینگ کوپه‌یتیریشیچه: «کوپینچه قیینچیلیکلر نی حیاتیم‌ده تجربه قیله‌من؛ ساچلریم تیز آقردی. بو وضعیت مینی خواطرلنتیرگن؛ ساچلریم نینگ یخشی‌لنیشی اوچون حیاتیم گه بیراز اوزگریش کیلیشی نینگ نیاز بولگنی نی حس قیله‌من.»
قندوز یشاوچیسی ۲۰ یاشر لیدا نینگ ایتیشیچه، اوزی گه علاوه آنه و ایناغه‌سی نینگ ساچلری هم وقتدن آلدین آقرگن. «ینگیلیکده فکرم بولدی که ساچلریم وقتدن آلدین آقرماققه باشله‌گن؛ بو موضوع مینی خواطرلنتیرگن؛ چونکه تیز قری بولیشیم نی حس قیله‌من.»
بیزلرنینگ فیسبوک صحیفه‌میزگه باش اورینگ!
شونینگدیک قندوز یشاوچیلریدن باشقه بیری آمنه نینگ ایتیشیچه، ساچی نینگ آقریشی نی آته‌سیدن ارث آلگن و طبیعی یاشی‌دن آلدین توقیز یاشرلیک‌ده ساچلری نینگ آقریشی نی بیلگن. آمنه نینگ کوپه‌یتیریشیچه: «توقیز یاشر ایدیم که ساچیم آقرماققه باشله‌دی. آته‌م نی ساچی هم کیچیک یاش‌ده آقرگن. بو قیین‌چیلیک نینگ درمانی بار می دیب کوپ آختردیم؛ وارث نی تاثیری بولگنی‌ده درمانی فایده‌سیز دیر.»
لیکن قندوز یشاوچیسی ۲۰ یاشر پرستو نینگ ایتیشیچه، روحی کسللیگی دوالنیشی اوچون قوللنگن دارو‌لر ساچلری نینگ وقتدن آلدین آقریشی گه سبب بولگن.
اونینگ کوپه‌یتیریشیچه: «اعصاب دارو‌لری نی قوللنیش گه باشله‌گنیم‌ده ساچیم نینگ نیچه تاری آقرگنی نی کوردیم. ساچیم نی کوریب تشویشیم باشلندی و فکر قیلدیم که یاش‌لیک‌ده قری بولدیم.»
شفاکارلردن قطاری نینگ ایتیشلریچه، روحی باسیم‌لر، وراثت و وجود‌ده بیر قطار ویتامین‌لر نینگ آزلیگی، ساچ نینگ وقتدن آلدین آقریشی گه سبب بوله‌دی.
قندوز حوزه‌ای کسل‌خانه‌سی تیری کسل‌لیکلر بولیمی متخصصی عارف مومند نینگ ایتیشیچه: «روحی باسیم‌لر، روحی قیینچیلیکلر، ژنتیکی عامللر، ویتامین‌لر و آوقتلنیش ماده‌لر کم‌لیگی ساچ نینگ وقتدن آلدین آقریشی گه سبب بوله‌دی. بو قیین‌چیلیک آلدی آلینیشی اوچون بو عامللر گه سبب بوله‌دیگن قیین‌چیلیک نینگ تاپیلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، روان‌شناسلردن مریم نینگ ایتیشیچه، تشویش، استرس و روحی قیینچیلیکلر عیاللر نینگ روحی و جسمی سلامتلیگی نی خطر بیلن روپه‌ره قیلیشی ممکن.
اونینگ کوپه‌یتیریشیچه: «قندوز ده عیاللردن قطاری اجتماعی، اقتصادی و عایله‌وی باسیم‌لر سبب روحی قیینچیلیکلر بیلن روپه‌ره‌لر و بو اولر نینگ روحی سلامتلیگی گه کوپینچه تاثیری بار و بو وقتدن آلدین ساچ نینگ آقریشی گه سبب بوله‌دی.»
ناساغلام آوقتلنیش، اویقو خصوصیده توجه‌سیزلیک، اطراف-محیط افلاسلیگی، صفت‌سیز آرایشی محصولات‌دن قوللنش، روحی باسیم‌لر و وراثت، عیاللر آره‌سیده ساچ نینگ وقتدن آلدین آقریشی گه سبب بوله‌دیگن عامللریدن دیر.
