زمانه‌وی حیات نینگ برقرارلیگی برق نینگ دواملی شکلده فایده‌لنیشی گه باغلیق بولگنی بیرحالده؛ بیراق اوشبو جغرافیا نینگ کوپینچه بولیمی مذکور برق‌دن محروم‌لر که، شونینگدیک پروان نینگ سیاه‌گرد تومنی‌ده‌گی قمچاق قیشلاغی هم اولردن بیری دیر.
قریب تورت سنه آلدین قمچاق قیشلاغیده بیر برق توغانی قوریلگن ایدی که، کوپینچه ییل بازارک چهارده و سیاه‌گرد تومنی شامل اوشبو قیشلاغ‌ده‌گی بیش مینگ عایله گه برق ترقه‌تیلر ایدی؛ بیراق اوشبو دستگاه نینگ فایده‌لنیش دوره‌سی یکونلنگنی بیلن، حاضر ایسه اونینگ تورت توربینی‌دن بیر توربینی فعال بولیب و عایله‌لردن آز قطاری ایسه، نوبتی شکلده برق‌دن فایده‌لنه آله‌دیلر.
بیزلرنینگ فیسبوک صحیفه‌میزگه باش اورینگ!
قمچاق قیشلاغی یشاوچیسی نبی‌الله نینگ ایتیشیچه، اوشبو قیشلاغ یشاوچیلری برق‌دن فایده‌لنه آلمسلیک سبب، دایم قیین‌چیلیکلر بیلن روپه‌ره‌لر. او قمچاق قیشلاغیده برق ایشلب چیقروچی دستگاه نینگ برچه توربین‌لری فعال بولمسلیگیدن شکایت قیلیب ایتیشیچه: «پایه‌لر قوریلگن؛ بیراق قیین‌چیلیک نی قیرده بولگنی نی بیلمه‌یمیز که، نیگه لین تارتمه‌یدیلر. اهالی کوپینچه قیین‌چیلیک بیلن روپه‌ره دیر.»
پروان ده برشنا ریاستی نینگ عملیاتی اورین‌باسری ایمل مجیدی نینگ سلام‌وطندار گه ایتیشیچه، قمچاق قیشلاغی برق ایشلب چیقروچی دستگاه‌ی نینگ قیته قوریلیشی اوچون سعی و حرکت نینگ دوامی بار. اونینگ کوپه‌یتیریشیچه، افغانستان برق ییتکزیش شرکتی، تیزلیک بیلن غوربند دره‌سی نینگ تورتله تومن‌لری گه برق ییتکزیش اوچون برنامه‌سی بار دیر.
پروان ده برشنا ریاستی نینگ آماری اساسیده، قمچاق قیشلاغی برق ایشلب چیقروچی دستگاه‌سی، ۲۰۰-۲۷۰ مگاوات برق ایشلب چیقره‌دی که، اوشبو قیشلاق یشاوچیلری نینگ نیازلری نی حل قیلیش خصوصیده ییتیرلی ایمس.
مجیدی گه کوره، افغانستان برق ییتکزیش شرکتی کیله‌جک‌ده، غوربند دره‌سی نینگ برچه قیشلاغلری گه برق ترقه‌تیش نی نظر گه آلگن.
بیزلرنینگ توییترده هم تعقیب قیلینگ!
برق گه قول تاپه آلمه‌یش یا-ده برق گه قول تاپیش خصوصیده‌گی قیین‌چیلیکلر، اوتگن ییل‌لردن بیری، افغانستان یشاوچیلری نینگ جدی قیین‌چیلیکلریدن دیر که، ترقیات تامان حرکت قیلیش نی امکان‌سیز قیله‌دی.
حاضر، افغانستان برق ییتکزیش ترماغی‌ده‌گی موجود ۲۰ فایز برق، مملکت ایچیده تولید و قالگنی ایسه قوشنی مملکت‌لردن وارد قیلینه‌دی.
