اسلام امیرلیگی قاچقینلر وزیرلیگینینگ اعلام قیلیشیچه، پاکستان افغانستان یشاوچیلرینینگ داوطلب شکلده قیتیشلری توغریسیدهگی ایستهکلرگه قرشی، اولرنینگ جبری شکلده چیقریلیشیگه قرار آلگن.
مذکور وزیرلیک، اکس صحیفهسیده بیر بیانیه ترقهتیب یازیشیچه، پاکستان دن افغانستانلیک قاچقینلرنینگ جبری شکلده چیقریلیشی، قبول بولگن خلقارا قانون-قاعدهگه قرشی دیر. قاچقینلر وزیرلیگی بیانیهسینینگ بیر بولیمیده کیلیشیچه: «حاضر ایسه قاچقینلر بازارلر، دکانلر و اویلردن قولگه آلینهدی و حبس گه تشلهنیشدن کیین چیقریلهدی. افغانستانلیک قاچقینلر برابریده زورهوانلیکلر توختهتیلیشینی ایستهیمیز.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، دوشنبه کونی اسلام امیرلیگینینگ ییریک رسمیلری پاکستان دن افغانستانلیک قاچقینلرنینگ چیقریلیش پروسهسی کوچهیشی حقیده کابل ده بیر ییغیلیش اوتکزیش بیلن، بیرلشگن ملتلر تشکیلاتی و پاکستان دهگی نفوذلی کیشیلردن، بو پروسهنینگ توختهتیلیشی اوچون عاجل شکلده اقدام قیلیشلرینی ایستهگنلر.
بو توغریده اسلام امیرلیگی سوزلاوچیسی اورینباسری حمدالله فطرتنینگ ایتیشیچه: «بو کبی یاندهشوولرنی اسلامی اصول، خلقارا و قوشنیچیلیک حقوقیگه قرشی بیلهمیز و پاکستان عالملری، اهالی و سیاسی حزبلردن هم بو توغریده اسلامی و قوشنیچیلیک مسئولیتلرینینگ بجریشلری سورهلگن.»
شوندهی بیرحالده، سونگی کونلر ایچیده پاکستان دن چیقریلگن افغانستانلیک قاچقینلردن قطاری، بو مملکت پولیسینینگ یامان یاندهشوویدن شکایت قیلیب و ایتیشلریچه، سرمایهلریدن بیر قسمی یا-ده برچهسی پاکستان ده قالگن.
مملکت گه قیتریلگن افغانستانلیک قاچقینلردن محمد، پاکستان پولیسینینگ قاچقینلر بیلن یامان یاندهشووینی بیان قیلیب و ایتیشیچه: «بیزلرنی جبری شکلدده چیقردیلر. نرسهلریمنی ییغیش اوچون جودهیم آز وقت بیردیلر. برچه نرسهم او ییرده قالدی. بیزلر بیلن جودهیم یامان یاندهشهر ایدیلر. حاضر ایسه دولتدن بیزلرگه ایش زمینهسی یرهتیلیشینی ایستهیمیز.»
شونینگدیک مملکتگه قیتگن افغانستانلیک قاچقینلردن محمد اعظم گه کوره: «حاضر هم پاکستان ده بیر نیچه عایله حبس گه دیر، او ییرده وضعیت خراب بولگنی اوچون کوچیمیزنی ییغیب و کیلدیک. هیچ ایش هم یوق.»
بیزلرنینگ فیسبوک صحیفهمیزگه باش اورینگ!
عین حالده، قاچقینلر وزیرلیگی سوزلاوچیسی عبدالمطلب حقانینینگ ایتیشیچه، ۱۴ مینگدن آرتیق افغانستانلیک قاچقین سونگی بیر هفته ایچیده پاکستان و ایران دن چیقریلگن. «بیرینچی اپریلدن حاضرگچه، ۱۴ مینگ ۱۱۵ قاچقین قوشنی مملکتلردن مملکت گه کیلگن که پاکستان دن ۱۱ مینگ ۴۵۸ قاچقین و ایران دن ایسه ۲ مینگ ۶۵۷ قاچقین چیقریلگن.»
بو بیلن بیرگه، قاچقینلر وزیرلیگی بیرلشگن ملتلر تشکیلاتی، تشقی یاردم بیرووچی نهادلر و مملکت سوداگرلریدن، پاکستان دن قیتریلگن قاچقینلر قیینچیلیگی حلی اوچون اولر گه شاشلینچ یاردم کورسهتیشلرینی ایستهگن.
