چین ده قیزیل خاچ کمیته‌سی باش کاتبی مخصوص نماینده‌سی و آسیا شرقی بوییچه بو کمیته‌نینگ منطقه‌ای هیئت باشلیغی بلداسر ستهیلین گه کوره، مذکور نهاد فعالیت‌لرینی مستقل شکلده عمل‌گه آشیریب و افغانستان اهالیسیگه بیره‌دیگن یاردملری سیاسی مسئله‌لر گه تیگیشلی ایمس دیر.
چین پایتختی بیجینگ ده افغانستان ایلچیخانهسی اوز اکس صحیفه‌سیده بیر بیانیه آرقه‌لی یازیشیچه، بداسر ستهیلین بو موضوع‌نی اوشبو ایلچی‌خانه سرپرستی بلال کریمی بیلن اوچره‌شگنی‌ده بیان قیلیب و افغانستان گه خلق‌ارا قیزیل خاچ کمیته‌سی همکارلیک‌لری دوامی‌دن ایشانچ بیرگن.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه: «ستهیلین‌نینگ اوشبو اوچره‌شوویدن مقصد، چین‌نینگ خلق‌ارا ترقیاتی همکارلیکلر اداره‌سی و افغانستان بوییچه باشقه یاردم بیرووچی تشکیلات‌لر یاردمی بیلن اساسی لایحه‌لر و انسان‌پرورلیک ساحه‌لریده فعالیت‌نی فایده‌لی ترتیب‌گه سالیش دیب بیان قیلگن.»
مذکور اوچره‌شووده بیجینگ ده افغانستان ایلچیخانهسی سرپرستی، خلق‌ارا قیزیل خاچ کمیته‌سیدن افغانستان اهالیسیگه انسان‌پرورلیک یاردم‌لر کورسه‌تیلیشی‌گه علاوه، اوشبو مملکت‌ده ترقیاتی لایحه‌لر عمل‌گه آشیریلیشی خصوصیده حصه قوشیشلرینی ایسته‌گن.
بیزلرنینگ «ایکس» ترماغی ده هم تعقیب قیلینگ!
شونینگدیک بوندن آلدین، اقتصاد وزیرلیگی سرپرستی دین‌محمد حنیف، بیرلشگن ملتلر تشکیلاتی دن انسان‌پرورلیک یاردم‌لر یانیده افغانستان ده ترقیاتی لایحه‌لر عمل‌گه آشیریلیشی‌گه توجه قیلیشلرینی ایسته‌گن ایدی.
