ایکینچیلیک، سووغاریش و چاروه‌چیلیک وزیرلیگی مسئوللری نینگ ایتیشلریچه، جاری ییل جریانیده مملکت بویلب ۳۸ مینگ تُن بوغدای نی ساتیب آلیب و ذخیره قیله‌دیلر.
اوشبو وزیرلیک نینگ استراتژیک منبع‌لر باشلیغی قدرت‌لله حقیار، ۱۷-سنبله، شنبه کونی بلخ ولایتی گه قیلگن سفری‌ده ایتیشیچه، فوق‌العاده وضعیت‌لرده نیازمند کیشیلر گه یاردم بیریش و اولر نی قوللب-قوتلش مقصد، ۳۸ مینگ تُن بوغدای نینگ ساتیب آلینیشی و ذخیره قیلینیشی ممکن.
بیزلرنینگ «ایکس» ترماغی ده هم تعقیب قیلینگ!
جناب حقیار گه کوره، بیر میلیارد افغانی ارزشی بولگن بو مقدار بوغدای، ایکینچیلیک وزیرلیگی تکلیفی و اسلام امیرلیگی رهبری شیخ هبت‌الله آخوندزاده نینگ بویروغی اساسیده ساتیب آلینیشی ممکن.
عین حالده، ایکینچیلیک وزیرلیگی نینگ اداری و مالی معینی آقاجان آخوند، بو اقدام‌دن مقصد سوداگرلر احتکاری آلدی آلینیشی، قیمت‌لر نینگ مدیریت بولینیشی و دهقانلردن حمایت بولینیشی عنوان قیلگن.
شونده‌ی بیرحالده، بلخ ولایتی‌ده‌گی دهقانلردن قطاری حکومت نینگ بو قراری‌دن خورسند‌لیک قیلیب و ایتیشلریچه، بو اقدام بیلن دهقان‌لر نینگ حمایت بولیشی ممکن.
بلخ ولایتی‌ده‌گی دهقانلردن بیری عبدالحق نینگ ایتیشیچه: «اوتگن ییل‌لرده بیر سیر بوغدای ۲۳۰ افغانی ایدی، بیراق حاضر ایسه وزیرلیک ۲۶۵ افغانی ساتیب آلیش گه قرار آلگن.»
بیزلرنینگ فیسبوک صحیفه‌میزگه باش اورینگ!
ایکینچیلیک، سووغاریش و چاروه‌چیلیک وزیرلیگی مسئوللری گه کوره، مذکور ۳۸ مینگ تُن بوغدای‌دن، ۳مینگ ۶۰۰ تُن بوغدای نی بلخ ولایتی‌ده‌گی دهقانلردن ساتیب آله‌دیلر.
