بوگون (چهارشنبه، ۴-اسد)، ایکینچیلیک، سووغاریش و چاروه‌چیلیک وزیرلیگی مسئوللری «دولت نینگ ملت گه حساب بیریش» برنامه‌سیده، اوشبو وزیرلیک نینگ یوتوق‌لری و ایش گزارشلری نی میدیالر بیلن شریک قیلگنلر.
اینچیلیک وزیرلیگی نینگ ایتیشیچه، ۲۵ مینگ متریک تُن اصلاح بولگن بوغدای اوروغی نینگ ترقه‌لگنی، ایکی مینگ ۹۰۲ هکتار میوه باغی نینگ توزه‌تیلگنی و توقیز میلیون‌دن آرتیق حیوان گه بیر میلیون ۵۰۰ مینگ دوز‌دن آرتیق حیوانی واکسین تطبیق بولگنی، اوتگن ییل اوشبو وزیرلیک نینگ عملگه آشیرگن یوتوق‌لریدن دیر.
بیزلرنینگ فیسبوک صحیفه‌میزگه باش اورینگ!
بونگه علاوه، ایکینچیلیک وزیرلیگی اوتگن بیر ییل‌ده ایکینچیلر گه ۴۵۸ میلیون افغانی نقدی یاردم ترقه‌تیلگنی‌دن هم خبر بیره‌دی.
مذکور وزیرلیک مسئوللری گه کوره، ایکینچیلر گه ترقه‌تیلگن اوشبو پول مقداری، ۷۳۰ میلون ۳۹۰ مینگ افغانی حمایتی بودجه‌دن دیر که، اوتگن ییل ایکینچیلر بیلن همکارلیک اوچون تصویب بولگن ایدی.
بو توغریده ایکینچیلیک، سووغاریش و چاروه‌چیلیک وزیرلیگی نینگ مالی و اداری معینی فضل‌الباری فضلی نینگ ایتیشیچه: «اوتگن ییل توزوم آرقه‌لی بیزلر گه ترقیاتی بیر مقدار پول بیریلگن ایدی و اهالی‌میز گه اوشبو پول‌لر نینگ شفاف شکلده صرف‌لنگنی خصوصیده ایشانچ بیره‌میز.»
شونده‌ی بیرحالده، ایکینچیلیک وزیرلیگی مسئوللری نینگ ایتیشلرچه، حاضر ایسه مملکتده ایکینچیلیک بولیمی‌ده ۱۸۰ شرکت بیش میلیارد افغانی ارزشی گه سرمایه یاتقیزگن.
شونینگدیک ایکینچیلیک وزیرلیگی سرپرستی عطاءالله عمری، مملکتده اسلام امیر‌لیگی نینگ قدرت گه ایریشگنی‌دن حاضرگچه، ایکینچیلیک بولیمی‌ده ۲۴۰دن آرتیق پروژه نینگ تطبیق بولیشی‌دن خبر بیرگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اسلام امیر‌لیگی نینگ قدرت گه ایریشگنی‌دن بویان، ۳۲۸ میلیون دالر ارزشی گه ۲۴۱ پروژه، ملی و خلق‌ارا موسسه‌لر آرقه‌لی ایکینچیلیک و چاروه‌چلیک نینگ تورلی بولیم‌لریده تطبیق بولگن دیر.»
ایکینچیلیک بولیمی‌ده خصوصی سکتور تدبیرکارلری و ایکینچیلر گه وکاله و مرابحه خذمت‌لری شکلی‌ده ۱.۳ میلیارد دالر توللنیشی، ایکینچیلیک بولیمی‌ده ۴۵۰ تحقیقی تجربه تطبیقی، ۸۰ متریک تُن بوغدای اوروغی، سبزه‌وات، مملکتده چیگرتکه‌لر هجومی و اوسیم آفت‌لریدن ۸۰ مینگ هکتار ییر نینگ کنترول بولینیشی و کابل، لغمان و میدان‌وردک‌ده عصری ۵ کمپلکس ساووق‌لر فعال بولگیشی، کیله‌سی ییل اوشبو وزیرلیک آرقه‌لی عمل گه آشیریلیشی ممکن بولگن اینگن اونملی برنامه‌لردن دیر.
