قندهار ده‌گی محلی منبع‌لر نینگ سلام‌وطندار گه ایتیشلریچه، حامله‌دار بیر عیال ۶۰ متر چقورلیگی بولگن بیر قودوققه توشگن.
منبع‌لر گه کوره، اوشبو حادثه اوتگن کیچه ساعت ۹ اطرافی ده، قندهار ولایتی ینگ خاکریز تومنیده یوز بیرگن.
بیزلرنینگ فیسبوک صحیفه‌میزگه باش اورینگ!
منبع‌لر نینگ کوپه‌یتیریشیچه، ساغلیک ایشلاوچیلری و قوتقرو تیم محل گه ییتیب بارگن و مذکور عیال‌نی قوتقریش اوچون سعی و حرکت قیلینماقده. عیال نینگ احوالی باره‌سیده حاضرگچه معلومات بیریلمه‌گن.
قندهار ولایتی رسمی‌لری اوشبو واقعه‌نی تصدیقلب ایتیشلریچه، باغلیق اداره مسئوللری اوشبو عیال‌نی قوتقریش اوچون محل گه یوللنگن.
بیزلرنینگ توییترده هم تعقیب قیلینگ!
مسئوللر، واقعه گه دایر کیین معلومات بیریلیشینی اورغوله‌یدیلر.
بوندن آلدین بیر قطار ولایت‌لرده بو گَل واقعه‌لر ده، نیچه باله قودوققه توشیب و بعضی‌لری جان بیرگنلر.
