روسیه جمهور باشلیغی ولادیمیر پوتین، امریکا جمهورلیک ریاستی سیلاوی گه دونالد ترامپ نینگ غلبه قازانگنی نی تبریک‌لب و ایتیشیچه، مملکتی امریکا نینگ ینگی جمهور باشلیغی بیلن اوچره‌شیش گه تیار دیر.
رویترز آژانسی نینگ گزارشی اساسیده، پوتین بو موضوع نی اوتگن کون روسیه ده اوتکزیلگن خلق‌ارا «سوچی» مجمع‌سیده بیان قیلیب، ترامپ نینگ سیلاو کمپاین‌لریده روسیه بیلن قیته علاقه قوریش و اوکراین حقیده‌گی سوزلری نینگ دقت‌گه سزاوار بولگنی نی ایتگن.
بیزلرنینگ «ایکس» ترماغی ده هم تعقیب قیلینگ!
روسیه جمهور باشلیغی گه کوره، دونالد ترامپ نینگ پنسلوانیا ده سیلاو کمپاینیده اویوشتیریلگن هجوم چاغیده‌گی یانده‌شووی گه تاثیرلنگن. اونینگ کوپه‌یتیریشیچه: «فکرمچه او کوپ یخشی، جسارت بیلن و بیر ایرکک کبی یانده‌شدی.»
باشقه بیر تاماندن، امریکا جمهور باشلیغی دونالد ترامپ، «ای‌بی‌سی نیوز» ترماغی بیلن اوتکزگن صحبت‌لریده ایتیشیچه، اینگ یقین‌لرده روسیه جمهور باشلیغی بیلن اوچره‌شیشی ممکن.
بیزلرنینگ فیسبوک صحیفه‌میزگه باش اورینگ!
دونالد ترامپ، سیلاو کمپاین‌لریده نیچه مرته جمهور باشلیغی بولگنی صورت‌ده، روسیه و اوکراین اورته‌سیده‌گی توقنشوولر نینگ یکونلنتیریشینی ایتگن.
امریکا قوشمه ایالتلری نینگ جمهورلیک ریاستی سیلاوی گه نامزد دونالد ترامپ، اوتگن هفته چهارشنبه کونی ۲۷۷ الکترال کالج آواز آلیش بیلن بو مملکت نینگ قیرق ییتینچی جمهور باشلیغی صفتیده تنلنگن.
