افغانستان ده قشاقلیک و ایش‌سیزلیک قیین‌چیلیک‌لری کوپه‌یشی بیلن، بالهلر کوپراق زیان کوره‌دی. باله‌لردن حفاظت قیلووچی تشکیلات (Save the Children)، اوتگن کون اوز توییتری ده، ایچکی و خارجی نادولتی موسسه‌لرده عیاللر ایشی توختهتیلیشی سبب، افغانستان ده فعالیتینی توخته‌تگنیدن خبر بیردی.
مذکور تشکیلات نینگ کوپه‌یتیریشیچه، افغانستان ده کمبغل عایله‌لر نادار‌لیک بیلن کوره‌شیش اوچون، باله‌لری نی خوفلی ییرلر گه ایشلماققه یوباره‌دیلر.
بیزلرنینگ توییترده هم تعقیب قیلینگ!
باله‌لردن حفاظت قیلووچی تشکیلات تویتر صحیفه‌سیده یازیشیچه: «عیاللر ایشی توخته‌‌تیلشی سبب، افغانستان ده فعالیتی‌میز نی توخته‌‌تیش گه مجبور بولدیک؛ چونکه عیاللر فعالیتی خذمت‌لر نینگ فایده‌لی شکلده دوام تاپیشی اوچون کیره‌ک‌لی دیر. قیغو بیلن عایله‌لر قشاقلیک بیلن روپه‌ره دیر و عایله‌لردن قطاری باله‌لری نی ایش اوچون خوفلی ییرلر گه یوباره‌دیلر.»
شونینگدیک بوندن آلدین باله‌لردن حفاظت قیلووچی تشکیلات، افغانستان ده بیر میلیون باله نینگ ایش قیلیشینی معلوم قیلگن ایدی.
شونده‌ی بیرحالده، ایش و اجتماعی ایشلر وزیرلیگی باله‌لردن حفاظت قیلووچی تشکیلات نینگ فعالیتی توخته‌گنی خصوصیده خواطر بیلدیریب ایتیشیچه، بو ایش بالهلر وضعیتی اوستیگه سلبی تأثیر قوییشی ممکن.
اوشبو وزیرلیک نینگ عامه مناسبت و ارتباط‌لر مسئولی یونس صدیقی نینگ ایتیشیچه: «باله‌لردن حفاظت قیلووچی تشکیلات فعالیتی توخته‌شی بالهلر وضعیتی گه سلبی تاثیر قوییشی ممکن؛ بیراق اسلام امیر‌لیگی ۸ مینگ‌دن آرتیق باله نی ییتیم‌خانه‌لرده حمایت قیله‌دی. شونینگدیک ۲ مینگ باله نی یاردم آلیش اوچون قیزیل آی گه معرفی قیلگن و بو وضعیت‌دن چیقیش اوچون برنامه‌لری هم بار.»
عین حالده، باله‌لردن حفاظت قیلووچی تشکیلات نینگ بیاناتی گه قره‌گنده، افغانستان ده ۱۴ میلیون باله انسان پرورلیک یاردم‌لر گه نیازمند دیر.
شونده‌ی بیرحالده، بالهلر حقوقی ایش بیلرمان‌لریدن قطاری، باله‌لردن حفاظت قیلووچی تشکیلات نینگ فعالیتی توخته‌شیدن خواطر بیلدیریب ایتیشیچه، بالهلر جدی خوف بیلن روپه‌ره بولیش‌لری ممکن.
بیزلرنینگ فیسبوک صحیفه‌میزگه باش اورینگ!
بالهلر حقوقی ایش بیلرمانی حمایت‌الله احمدی نینگ ایتیشیچه: «شونده‌ی بیر وضعیت‌ده باله‌لردن حفاظت قیلووچی تشکیلات نینگ فعالیتی توختهتیلیشی، بالهلر نی جدی خطر بیلن روپه‌ره قیله‌دی.»
باله‌لردن حفاظت قیلووچی تشکیلات، افغانستان ده‌گی بویوک نادولتی تشکیلات‌لردن بیری دیر که، ۱۹۷۶-ییل‌دن بیری انسان پرورلیک اینیقسه بالهلر بولیمی‌ده فعالیتی نی باشلب و حاضر ایسه ۴۰ ییل‌دن سونگ، محتاج بالهلر گه یاردم بیریش پروسه‌سی نی توخته‌تگن.
