جمهورلیک ریاستی نینگ اعلان قیلیشیچه، بوگون “شنبه” مملکت جمهور رئیسی محمداشرف غنی، قطر امیری شیخ تمیم بن حمد آل‌ثانی بیلن تلفون آرقه‌لی صحبت اوتکزگن.
جمهورلیک ریاستی نینگ توییتر صحیفه‌سیده یازیشیچه، ایکی تامان افغانستان تینچلیک جریانی و آتیش‌کیسین خصوصیده بحث قیلگن.
جمهورلیک ریاستی نینگ ایتیشیچه، قطر امیری، افغانستانده آتیش‌کیسین اعلان قیلینیشی‌گه زمینه یره‌تیش اوچون سعی و حرکت قیلیشیدن ایشانچ بیرگن.
شونینگدیک، جمهور رئیس غنی و قطر امیری ایکی مملکت آره‌سیده بولگن رابطه‌لر اینقسه و سوداگرلیک رابطه‌لر و یاردم‌لر کوچیلی ایتیلیشی خصوصیده بحث قیلگنلر.
قطر، افغانستان‌لیکلر ارا سوزلشوولر نینگ بیرینچی دوریده میزبان‌لیک قیلگن و سوزلشوولرنینگ ایکینچی دورینی هم اوشبو مملکتده یولگه قوییلیشی ممکن.
گزارش‌لرگه کوره، افغانستان حکومتی و طالبان گروهی آره‌سیده بولگن تینچلیک سوزلشوولرنینگ ایکینچی دوری جاری هفته “سه‌شنبه” کونی باشله‌نیشی اوچون قرار قیلینگن.
