پایتخت یشاوچیلریدن قطاری بازارلرده ایسکیرگن پوللر نینگ کوپهیگنیدن شکایت قیلیب و ایتیشلریچه، بو وضعیت اولر نینگ کونده‌لیک سوداسینی قیین‌چیلیک بیلن روپه‌ره قیلگن.
قولیده ایسکیرگن پولی بولگن و اونینگ عوضی گه نرسه ساتیب آلماچقین بولگن کابل یشاوچیسی احمد نینگ ایتیشیچه، هیچ بیر سودا ساتووچی ایسکیرگن پول‌نی آلیش گه حاضر ایمس. «موتر گه ۲۰ افغانی بیره‌میز؛ پول جوده‌یم ایسکیرگن دیر؛ موتر هیداووچی پول گه قره‌ب و بونی نیمه قیله‌ی دیه‌دی. حتا ینگی ۵۰۰لیک بیرگنیمیزده هم، اونینگ عوضی‌گه ایسکیرگن پول‌لرنی بیره‌دیلر.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن باشقه بیری اسد‌الله نینگ ایتیشیچه: «مرکزی بانک‌دن ایسکیرگن پوللر نینگ قیته آلسینلر و بازار گه ینگی پوللر عرضه قیلسینلر. ینگی پول قریب هیچ یوق و بیش فایز بولسه هم اونی اهالی سقله‌گن.»
مذکور کابل یشاوچیسی افغانستان مرکزی بانکی‌دن ایسکیرگن پوللر نینگ بازارلردن توپلب و اونینگ اورنیده ینگی پول عرضه قیلیشلری نی ایسته‌گن.
باشقه بیر تاماندن، افغانستان مرکزی بانکی مسئوللری نینگ ایتیشلریچه، بازارلرده ایسکیرگن پوللر نینگ توپلنیش پروسه‌سی وقت آله‌دیگن دیر.
افغانستان مرکزی بانکی سوزلاوچیسی حسیب‌الله نوری نینگ ایتیشیچه، اوشبو بانک پوللر نینگ تیزلیکده ایسکیرمسلیگی اوچون بانکی تاپشیریش سیستمی نینگ عمل‌گه آشیریش خصوصیده سعی‌وحرکت قیلماقده. اونینگ کوپه‌یتیریشیچه: «مرکزی بانک الکترونیکی تاپشیریش نینگ رواجلنیشی اوچون ایشله‌یدی و حاضر ایسه ملی کارت ریجه‌سینی تیار قیلگن که اهالی اوندن قوللنیش بیلن برچه بانک‌لر و سوپرمارکیت‌لرده ATM ماشین‌لریدن قوللنه آله‌دی و تورلی‌خیل تاپشیریشلر جمله‌دن برق و باشقه مالی مورد‌لرده فایده‌لنه آله‌دیلر.»
اقتصادی مسئله‌لر بیلرمانلریدن قطاری بازارلرده نقد پول‌دن قوللنیش، اعتباری کارتلر و الکترونیکی تاپشیرش سیستم‌لری نینگ رواجلنمه‌گنی و اوی‌لرده ناتوغری شکلده پوللر نینگ سقلنیشی نی پوللر نینگ تیزلیکده ایسکیریشی سببلریدن بیله‌دیلر.
بیزلرنینگ فیسبوک صحیفه‌میزگه باش اورینگ!
اقتصادی مسئله‌لر بیلرمانلریدن محمدرفیق صادق‌یار، مرکزی بانک‌دن پول نینگ یخشی شکلده سقلنیشی اوچون آگاهی‌لیک بیریش برنامه‌لری نینگ یولگه قوییلیشینی ایسته‌گن. «پول نی قوللنگن کیشی نینگ قپچقی یوق؛ اهالی گه بو توغریده آگاهی‌لیک بیریلیشی کیره‌ک و اوندن کیین بیر کابل بانک و مالیه وزیرلیگی تامایندن قطار قانونلر وضع بولسین که اهالی اوز پولی نینگ سقلنیشی گه حصه قوشسینلر.»
افغانستان مرکزی بانک آرقه‌لی ارائه بولگن آمار اساسیده، اوتگن قویاش ییل ایسکیرگن ییتی میلیارد افغانی بازارلردن توپلنیب و اورته‌دن کیتکزیلگن.
