افغانستان مرکزی بانکی، ینگی چاپ ایتیلگن ۱۰۰ میلیون بانکنوت نی خصوصی بانکلر گه توزیع قیلگنیدن خبر بیرسهده، بیراق یشاوچیلر اوشبو پوللر بازار گه عرضه ایتیلمسلیگی و ایسکیرگن پوللر کوپهیشیدن شکایت قیلماقدهلر.
کابل یشاوچیلریدن فاریحه نینگ سلاموطندار گه ایتیشیچه: «ایسکیرگن پوللر جوده هم کوپهیگن، ینگی پول یوق، هیچ کیم ینگی پول بیرمهیدی، باشقهلر هم ایسکیرگن پول نی آلمهیدیلر.»
کابل یشاوچیلریدن باشقه بیری سمیرا گه کوره: «ایسکیرگن پول نی هیچ کیم حتا موتر هیداوچیلر آلمهیدی، ینگی پول نی میده قیلسک ینه هم ایسکیرگن پول بیریشهدی؛ لیکن اوزلری قیته آلمهیدی.»
بیزلرنینگ فیسبوک صحیفهمیزگه باش اورینگ!
شونینگدیک کابل شهری دهگی صرافلر نینگ ایتیشلریچه، کونسهیین بازار ده ایسکیرگن افغانی پول کوپهیب و اولرنی قیینچیلیک بیلن دوچ قیلگن.
کابل شهری مندوی ده صرافلردن قدیرشاه نینگ سلاموطندار گه ایتیشیچه: «بیز یشاوچیلردن ینگی و ایسکیرگن پولنی آلهمیز بیراق یشاوچیلر بیزدن ایسکیرگن پولنی آلمهیدیلر شونی اوچون آلدیمیز گه ایسکیرگن پول کوپهیب و قیینچیلیککه دوچ بولگنمیز، شهزاده سرای ده باریب دالر آلماقچین بولسک کیین تاوان قیلهمیز.»
کابل شهری مندوی ده صرافلردن باشقه بیری شاهحسین گه کوره: «حاضر مشتری گه ایسکیرگن ۲۰ افغانی بیردیم آلمهدی، او بیلن جنجللشدیم، ایسکیرگن پول جوده هم کوپهیگن و ینگی پول هیچ توزیع بولمهیدی، پول آلیب کیلیشهدی عوضی گه ینگی پول آلیشهدی. ایسکیرگن پول نی ییغمهیدیلر.»
عینحالده، افغانستان مرکزی بانکی، ینگی چاپ ایتیلگن ۱۰۰ میلیون بانکنوت، خصوصی بانکلر گه توزیع قیلینگنیدن خبر بیرگن.
مذکور بانک سوزلاوچیسی حبیبالله نوری گه کوره: «افغانستان بانک امکانیت یرهتیلیشی بیلن بازار گه ینگی بانکنوتلر توزیع قیلینشینی باشلهدی، خصوصی بانکلر گه ۱۰۰ میلیون ینگی بانکنوت توزیع بولگن و عوضی گه اوشبو بانکلردن ایسکیرگن پوللر ییغیلگن. ینگی بانکنوتلر ۱۰، ۲۰، ۵۰ و ۱۰۰ افغانیلیک دیر.»
بیزلرنینگ توییترده هم تعقیب قیلینگ!
خصوصی بانکلر، مرکزی بانک تامانیدن ینگی چاپ ایتیلگن پوللر توزیع قیلینیشینی تصدیقلب ایتیشلریچه، مشتریلری بانک دن پول آلیش چاغیده، ینگی چاپ ایتیلگن ۱۰، ۲۰، ۵۰ و ۱۰۰ افغانی پول نی آلمهیدیلر.
عزیزی بانک ایشلاوچیلریدن عبدالجلیل شینواری نینگ سلاموطندار گه ایتیشیچه: «کوپ سانده اهالی بو ییردن پول آلهدی، ینگی بانکنوتلر ۱۰ و ۱۰۰ افغانیلیک دیر، بیراق یشاوچیلر ۶۰۰ دالر و ۷۰۰ دالر یا ده ۲۰ مینگ و ۳۰ مینگ افغانی آلیشهدی، اوشبو مقدار پول گه میده پول آلیشلری قیین دیر، افغانستان بانک تامانیدن بیریلگن پوللر برچهسی میده پول دیر.»
ایتیش کیرهک که، نیچه آی آلدین افغانستان مرکزی بانکی، بازار گه ینگی چاپ ایتیلگن پوللر عرضه ایتیلیشیدن خبر بیرگن ایدی؛ بیراق بازارلردهگی افغانی پوللر ایسکیریب و ییرتیلیب کیتگن.