افغانستان مرکزی بانکی قریب آلتی آی آلدین، ۱۰، ۲۰، ۵۰ و ۱۰۰ افغانی شامل ۱۰۰ میلیون ینگی پول‌لر نینگ چاپ و ترقه‌تیلیشی‌دن خبر بیرگن ایدی. بیراق پایتخت یشاوچیلریدن قطاری، کابل شهری بازارلریده ایسکیرگن پول‌لر نینگ چلیشی‌دن خواطر بیلدیریب ایتیشلریچه، حاضرگچه ینگی پول‌لر گه مکمل شکلده قول تاپه آلمه‌گنلر.
کابل شهری یشاوچیلریدن ذبیح‌الله نینگ ایتیشیچه، بازارلرده ایسکیرگن پول‌لر نینگ چلیشی، اهالی آره‌سیده کوپینچه قیین‌چیلیک‌لر گه سبب بولگن. اونگه کوره، «بیر قطار کیشی پول‌لر گه اینانمه‌یدیلر، بیر قطار کیشی ایسه ساخته دیه‌دیلر. هیچ کیم آلمه‌یدی و کوپینچه‌سی ایسکیرگن دیر. ۱۰۰ مینگ افغانی‌ده حتماً ایکی-اوچ مینگ افغانی ایسکیرگن و ساخته دیر که، مقصد چلیش‌سین دیگنلر.»
بیزلرنینگ توییترده هم تعقیب قیلینگ!
شونینگدیک کابل شهری شهرنو منطقه یشاوچیسی حامد نینگ ایتیشیچه: «تیل فروش‌لیک دکانیم بار. اهالی کیلیب تیل آلگنی پیتده،۵۰۰ افغانی بیره‌دیلر. مَیده بیرگنیم‌ده، آلمه‌ی و بو پول‌لر ایسکیرگن دیه‌دیلر؛ بیراق کیلیب تیل آلگن‌لری‌ده، اوزلری ایسکیرگن پول نی بیره‌دیلر. مین اوشبو پول نی آلیش گه مجبور‌مین.»
عین حالده، افغانستان مرکزی بانک سوزلاوچیسی حسیب‌الله نوری، کابل یشاوچیلری نینگ خواطر‌لری گه قرشی جواب بیریب سلام‌وطندار گه ایتیشیچه، نیچه مدت آلدین، ۱۰ و ۲۰ افغانی ایسکیرگن پول‌لر نینگ المشتیریلیش پروسه‌سی باشلنگن و یشاوچیلر فیس توله‌مسدن ایسکیرگن پول‌لری نی المشتیریشلری ممکن.
اونینگ کوپه‌یتیریشیچه: «۱۰ و ۲۰ افغانی پولی بولگن یشاوچیلری، افغانستان مرکزی بانک نماینده‌لیک‌لری و تجارتی بانک‌لر گه باریش مراجعت قیلیش بیلن، ایسکیرگن پول‌لری نی، هیچ قنده‌ی کمیشن بیرمه‌ی ینگی پول گه المشتیریشلری ممکن، ۵۰ و ۱۰۰ افغانی پول‌لر نینگ ترقه‌تیش پروسه‌سی هم تیزلیککه باشلنیشی ممکن.»
باشقه بیر تامان‌دن، اقتصادی ایش بیلرمان عبدالنصیر رشتیا نینگ ایتیشیچه، ایسکیرگن پول‌لر نینگ موجود‌لیگی و ینگی پول‌لر گه قول تاپه آلمه‌سلیک، اهالی نینگ کونده‌‌لیک ایش‌لری خصوصیده قیینچیلیک ایجاد قیلگن.
بیزلرنینگ فیسبوک صحیفه‌میزگه باش اورینگ!
او، ینگی پول‌لر نینگ برچه‌سی ترقه‌لمه‌سلیک سببی نی، مرکزی بانک پولی سیاست‌لری گه تیگیشلی بیله‌دی؛ چونکه اونگه کوره، اوشبو بانک «بازار نینگ احتیاجی اساسیده، بیر مقدار پول نی بازار گه ترقه‌ته‌دی. احتیاج‌دن کوپراق ترقه‌تگنی صورت‌ده، کوپینچه قیین‌چیلیک‌لر گه سبب بوله‌دی و افغانی پول ارزشی جدی بیر شکلده کمه‌یدی.»
عین حالده، افغانستان مرکزی بانکی نینگ قانونی اساسیده، ایسکیرگن پول‌لر بازار‌دن توپلنیب و آلاو بیریله‌دی.
